БОНХАЖ-ын сайд Н.Батцэрэг Европын нэр хүндтэй, сая гаруй уншигчтай сонинд ярилцлага өглөө

Twitter Print
2015 оны 09-р сар 29-нд 08:20 цагт
Мэдээний зураг,

БОНХАЖ-ын Сайд Н.Батцэрэг1,1 сая гаруй уншигчтай Европын нэр хүнд бүхий Германы “DIEWELT AND WELT AM SONNTAG” сонинд ярилцлага өглөө. Энэхүү ярилцлагаар Аялал жуулчлалын салбарыг цаашид хөгжүүлэх яамны гол тэргүүлэх чиглэл болон зорилтууд болон2020 он гэхэд 1 сая жуулчдыг хүлээн авах зорилтод хүрэхийн тулд баримталж буй бодлогын талаар ярилцсан юм.

Сайд Н.Батцэрэг ярилцлагандаа “Төрөөс аялал жуулчлалыг хөгжүүлэх чиглэлээр олон ажил хийж байгаа. Үүний нэг нь аялал жуулчлалын үйлчилгээний байгууллагуудын тоо, үйл ажиллагааны цар хүрээг нэмэгдүүлэхийн хамтаар төрөөс аялал жуулчлалын талаар уян хатан, ирээдүйг харсан, олон улсын чиг хандлагатай уялдсан бодлого, хөтөлбөр хэрэгжүүлэн ажиллах явдал юм. Мөн хууль эрх зүйн орчинг боловсронгуй болгох чиглэлээр Казиногийн тухай хуулийг боловсруулан УИХ-д өргөн барьсан ба Аялал жуулчлалын тухай хуулийг шинэчлэн боловсруулж эхэлсэн. Манай улсад аялал жуулчлалын салбар нь дотоодын нийт бүтээгдэхүүний 5,29 хувийг эзэлж, салбарын орлого 263 сая ам долларт хүрч, жилд дунджаар 400 мянга орчим жуулчин хүлээн авч байна” гэв.

Монгол Улс аялал жуулчлалын өрсөлдөх чадварын үзүүлэлтээр дэлхийн 140 орноос 99-д, Ази Номхон далайн 25 орноос 19-д эрэмбэлэгдсэн байна. Одоогоор улсын хэмжээнд нийт 370 зочид буудал үүнээс одны зэрэглэлтэй 66 мөн 300 гаруй жуулчны бааз үйл ажиллагаа явуулж, аялал жуулчлалын салбарт 50 мянга гаруй хүн ажил хөдөлмөр эрхэлж байна.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.