Томуугийн дархлаажуулалт 10-р сарын эхээр эхэлнэ

2015 оны 09-р сар 25-нд 09:02 цагт
Мэдээний зураг,

Улирлын томуугийн дархлаажуулалт аравдугаар сарын эхээр эхэлнэ гэдгийг Халдварт өвчин судлалын үндэсний төвөөс мэдээллээ.

Хүйтний улиралд ханиад томуу ихэсч, хүндэрвэл хатгалгаа болдог. Жил бүр дунджаар 200 орчим мянган хүн томуугийн хүндрэлээр эмнэлэгт хэвтэн эмчлүүлдэг байна. Ханиад, томуунаас хамгаалах хамгийн найдвартай хамгаалалт бол томуугийн эсрэг дархлаажуулалт юм.

Дархлаажуулалтыг нийслэлд зөвхөн ХӨСҮТ-ийн Сайн дурын дархлаажуулалтын тасагт хийдэг бөгөөд энэ жилийн вакцин аравдугаар сарын эхээр АНУ-аас ирэх юм байна.

Томуугийн вирус жил болгон өөрчлөгдөн хувирч байдаг. Тиймээс эрдэмтэд жил бүр томуугийн хэлбэрийг сайтар судалж, тогтоосны дараа тэр жилдээ дэгдэж болох хамгийн өндөр магадлалтай вирусийн эсрэг вакциныг бүтээдэг аж.

Э.Гүнтөмөр

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.