Хэлмэгдэгсдийн дурсгалыг хүндэтгэв

Twitter Print
2015 оны 09-р сар 10-нд 16:28 цагт
Мэдээний зураг,

Улстөрийн хилс хэрэгт хэлмэгдэгсдийн дурсгалыг жил бүрийн энэ өдөр хүндэтгэдэг. Өнөөдөр 12.00 цагт Монгол Улсын Ерөнхийлөгч Ц.Элбэгдорж, Улсын их хурлын дарга З.Энхболд тэргүүтэй албаныхан хэлмэгдэгсдийн хөшөөнд цэцэг өргөж, хүндэтгэл үзүүллээ.

Хүндэтгэл үзүүлэх ажиллагаанд төрийн өндөрлөгүүдээс гадна УИХ, Засгийн газрын төлөөлөл, Батлан хамгаалах яам, Гадаад хэргийн яам, Цагаатгах ажлыг удирдан зохион байгуулах улсын комисс, Монголын ахмадын холбоо, нийслэлийн Засаг даргын тамгын газар тэргүүтэй албаныхан оролцсон юм. Мөн эцэг, эх, өвөө, эмээгээ улстөрийн хилс хэргээр алдсан ахмад буурлууд ч хүндэтгэлийн ажиллагаанд оролцов.

Дашрамд дуулгахад, энэ оны эхний хагас жилд л гэхэд иргэн, байгууллагаас цагаатгалын асуудлаар 30 орчим өргөдөл, гомдлыг Улсын ерөнхий прокурорын газарт ирүүлжээ.

Г.Ганаа

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.