Сурагчийн цүнх үүрсэн аав, ээжүүдэд...

Twitter Print
2018 оны 09-р сар 05-нд 08:52 цагт
Мэдээний зураг,

Сурагчийн цүнх үүрч, хүүхдээ хөтөлсөн аав ээжүүд сургууль руу нь яаран алхаж яваа харагддаг. Өнгөндөө хүүхдийнхээ ачааллыг багасгаж байгаа мэт боловч энэ нь эд зүйлдээ хайхрамжгүй, бусдад найдах хандлагад дасгаж байгаа хэрэг гэнэ. Хүүхдээ бие даасан, бусдаас хараат бус болгож төлөвшүүлэхийн тулд сургуульд орсон цагаас нь эхлээд бал, харандаа, цүнх гээд өөрийнх нь эд зүйлийг өөрт нь даатгах хэрэгтэй аж.

Гэтэл манай зургаан настнууд цүнхээ даадаг билүү гэдэг асуудал гарч ирнэ. Судалгаагаар үзэг, бал харандаа, дэвтэр, баримлын шавар гэх мэт өдөр тутам хэрэглэгддэг эд зүйл хоёр кг 730 грамм болжээ. Зургаан настнуудын цүнхний жин номтойгоо нийлээд дөрвөн кг 135 грамм болдог гэсэн тооцоо гарчээ.

Дээр нь хайртай тоглоом, наадгайгаа нууцаар цүнхэлчихвэл нуруундаа үүрэх ачаа нь бараг таван кг болно. Гэтэл олон улсын жишгээр цүнх нь тухайн хүүхдийн жингийн 10-15 хувиас хэтрэхгүй байх ёстой. Өөрөөр хэлбэл, зургаан настнуудын цүнх хоёр кг-аас хэтрэхгүй байх нь зохимжтой гэнэ. Түүнээс илүү жинтэй бол хүүхдэд хүчилтөрөгчийн нэмэлт хэрэгцээг бий болгодог аж. Цаашлаад өсөлтөд нь сөргөөр нөлөөлж, нурууны өвчин тусах магадлалтай.

Тиймээс ихэнх улсад хичээлийнх нь зарим хэрэгсэл, номыг ангид нь үлдээдэг байна. Мөн хөнгөн, авсаархан цүнх хүүхдэдээ сонгохыг зөвлөдөг. Гэтэл манайд хүүхдээ гоё харагдуулахын тулд хүүхэлдэйн киноны зурагтай, хэдэн давхар наалттай том, нүсэр цүнх сонгодог. Тийм цүнхний жин дангаараа бараг хоёр кг болчихдог шүү дээ. Сурагчийн цүнх үүрсэн аав, ээжүүдэд анхааруулахад хүүхдийнхээ цүнхийг хөнгөлөөд, өөрт нь даатгаарай.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Ghik

      (202.179.26.197) 2015-12-04 22:51
      • 0
      • 0

      Сургуульд номоо орхих шкаф бгуй болохоор ууреед явахаас аргагуй

      Хариулах

    • etseg

      (103.10.22.59) 2015-09-10 20:19
      • 0
      • 0

      hunguluh gej bolovsoroliin yam ni sar bur uzeh nom hiideggui buten jil uzeh asar zuzaan nom hiidegtei holbootoi, yaj ch hungluh geed bolohgui baigaa yumaa huuhed mini bugtur bolj bna da. tongoij zutgej yavahgui egtseeree zogsvol savaj unah geed l bdag da

      Хариулах