Хятадын ДНБ 7.6 хувьд хүрэх төлөв гарчээ

Twitter Print
2013 оны 12-р сар 27-нд 16:29 цагт
Мэдээний зураг,

Сүүлийн хоёр жилийн хугацаанд Хятадын эдийн засгийн өсөлт удааширч ирсэн. Дэлхийн томоохон эдийн засагчид энэ удаашрал оны хагасаас саарч шинэ оны босгон дээр дотоодын нийт бүтээгдэхүүн 7.5 хувьд хүрэх болов уу гэсэн таамаг хийж байсан. Харин таамаглал бүрэн батлагдаж, эдийн засгийн өсөлтийн хэмжээ 7,6 хувьд хүрэх бололтой. Энэ нь зорьсон хэмжээнээс 0,1 хувиар давуу үзүүлэлт бөгөөд 2014 онд ч уг үзүүлэлтийг өсгөхөд нөлөөлөх үндсэн суурь болно гэж судлаачид үзэж байна. Хятадын ДНБ-ий өсөлт сүүлийн жилүүдэд буурах хандлагатай болж ирсэн учраас энэ оны үзүүлэлт ямар байхыг судлаачид олон талаар таамаглаж анхаарал хандуулж байсан билээ.

Хятадын ДНБ 2011 онд 9,3 хувьд хүрч байсан нь одоогийн таван жилийн үзүүлэлтээр оргилдоо хүрсэн нь илт болсон байна.  2010-2012 оны хооронд Хятадын хөдөө нутгуудад ядуу зүдүү амьдарч байгаа хүмүүсийн тоо  67 саяар буурсан тухай  Хятадын Төрийн зөвлөл Ардын төлөөлөгчдийн Их хурлын байнгын хорооны хуралдаанд тавьсан тайланд онцлон тэмдэглэж байсан. Тухайн үед Хятад улсын нэг хүн амд ноогдох орлогын хэмжээ 537 доллар байснаа жилд 18,6 хувиар өсч 753 доллар болж байжээ. Хятадын эдийн засгийн өсөлтийг дэмжихийн тулд засгийн газраас ирэх онд тэтгэвэрийн насны хэмжээг нэмэгдүүлэх, хөдөө орон нутгийн хөгжлийг дээшлүүлэх үндсэн дээр орон нутгийн үйлдвэржилтыг дэмжих зэрэг томоохон олон зорилт тавиад байгаа аж.

Р. Этүгэн

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.