БНАСАУ-ын ард түмэн залуу удирдагчдаа "үнэнч зүтгэх"-ээ амлав

2013 оны 12-р сар 27-нд 15:05 цагт
Мэдээний зураг,

БНАСАУ даяар тус улсын залуу удирдагч Ким Чен Ун Хөдөлмөрийн намын нэгдүгээр нарийн бичгийн дарга, Батлан хамгаалах хорооны тэргүүн даргаар томилогдсоны хоёр жилийн ойн баяр ёслолын үйл ажиллагаа эхэлсэн байна. Маршал цолтой Ким Чен Ун өөрийн өвөө БНАСАУ-ын Мөнхийн ерөнхийлөгч Ким Ир Сен болон эцэг Хөдөлмөрийн намын мөнхийн Ерөнхий нарийн бичгийн дарга, Батлан хамгаалах хорооны мөнхийн дарга Ким Чөн Ир нарын үйл хэргийг нэр төртэй залгамжилж байгааг БНАСАУ-ын төв телевиз зэрэг мэдээллийн гол хэрэгслүүдээрээ онцлон тэмдэглэж байгаа бөгөөд ажилчин, тариачин, эмэгтэйчүүд, хүүхэд сурагчид зэрэг нийгмийн бүх төлөөлөл албан ёсны баярын мэндчилгээ дэвшүүлэх үйл ажиллагаа өнөөдөр өрнөж байгаа аж. Умард Солонгосын нийт ард түмний төлөөлөл удирдагч Ким Чен Уны удирдлага дор үнэнч зүтгэхээ амлаж, улс орноо социалист түүхэн замналаар хөгжүүлэх урам зориг дүүрэн байгаагаа илэрхийлсээр байна.

БНХАУ-ын дарга Си Жиньпин шинэ оныг угтан БНАСАУ-ын Батлан хамгаалах хорооны дарга Ким Чен Унд баярын мэндчилгээ илгээснийг Хятад улсаас БНАСАУ-д суугаа Элчин сайд Лью Хунцай дамжуулан өгөхийн хамт Хятад улсын Дэд дарга болон Хятадын Коммунист намын Гадаад хамтын ажиллагааны газрын даргын баярын мэндчилгээг давхар уламжилжээ.

Р.Этүгэн

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.