2013 онд хамгийн их ашиг олсон Монгол кино

Twitter Print
2013 оны 12-р сар 27-нд 11:25 цагт
Мэдээний зураг,

Шударга өрсөлдөөн, Хэрэглэгчийн төлөө газраас Монгол киноны ашиг орлогын тухай мэдээллийг долоо хоног бүр олон нийтэд мэдээлж хэвшээд байгаа билээ. Үүний үр дүнд Монголын кино үйлдвэрлэгчдийн бүтээсэн уран бүтээлийн чанар чансаа сайжирч, тус зах зээл дээр өрсөлдөөн бий болох нөхцлийг бий болгосон гэж иргэд үзэж байгаа юм.

Ингээд та бүхэнд кино театруудад гарсан цагаасаа хойш Монголын кино ертөнцөд хамгийн их ашиг орлого олсон 13 киног танилцуулж байна.

1. Зэрлэг цэцэгсийн хүлэмж. Тус кино нь "Хувьсал продакшн"-ы анхны дэлгэцийн бүтээл бөгөөд  киноны гол дүрд У.Уранчимэг, Д.Ганцэцэг, А.Ганчимэг нар тоглосон билээ. Эл кино нь 731,045,000 төгрөгөөр ашиг орлогоороо тэргүүлжээ.

2. Микроны босс: Бидний сайн мэдэх жүжигчин Батаа буюу Д.Баттөр, О.Долгор болон реппер Gee нар уг киноны гол дүрд тоглосон. Уг киноны зохиолыг Д.Мөнхбат бичиж ерөнхий найруулагчаар Л.Лхагважаргал, ерөнхий зураглаачаар О.Өгөөдэй, хөгжмийн зохиолчоор соёлын тэргүүний ажилтан Б.Одбаяр буюу Оки нар ажилласан юм. Тэгвэл Микроны босс 503,067,873 төгрөгөөр орлогоороо хоёрт бичигджээ.

3. Тагнуулч аав: МУГЖ Д.Хүрэлхүүгийн өөрөө продюсерлэж мөн гол дүрд нь тоглосон “Тагнуулч аав” инээдмийн уран сайхны кино 434,133,000 төгрөгийн ашиг олжээ.

4. Ларьдма:

Тус кино нь гарсан цагаасаа хойш орлогоороо тэргүүлсээр байсан кино юм. Уг бүтээлээр “Хардалт бол хайр биш. Хардалт эцэстээ хагацал, зовлон, өвчинг бий болгодог” гэдгийг харуулсан.  “Ларьдма” 328,160,367 төгрөгийн ашиг олжээ.

5. Ганц бие бүсгүйчүүд: Хошин урлагийн гурван жүжигчин бүсгүй гол дүрийг нь бүтээсэн “Single ladies” романтик, инээдмийн уран сайхны кино. Киноны зохиолчоор А.Миеэгомбо, ерөнхий оператор, эвлүүлэгчээр Ц.Золжаргал, дууны найруулагчаар Г.Хишигбүрэн, продюссерээр нь жүжигчин Г.Ундармаа ажилласан уг киноны ашиг 256,794,247 төгрөг юм. Тэд тавдугаарт жагсжээ.

6. Зүүдэнд ч оромгүй явдал:  Ихэр залуусын тухай өгүүлэх "Зүүдэнд ч оромгүй явдал" киноны нээлтийг та бүхэн санаж байгаа байх. Учир нь тэр бүр болоод байдаггүй ихрүүдийн парад энэ л өдөр болсон. Харин киноны найруулагчаар шинэхэн төрийн соёрхолт Н.Наранбаатар ажилласан. Киноны ашиг орлого 234,339,332 төгрөг.

7. "Ану хатан":  Ганцхан долоо хоногийн дотор 255 саяын ашиг олно гэдэг тухайн кино ямар их үзэгчидтэй байсны тод илрэл. Уг киног “Шүүдэр” продакшн бүтээж, зохиолч Б.Шүүдэрцэцэгийн “Домогт Ану хатан” романаас сэдэвлэн бичсэн. Харин киноны гол дүрд олон сонирхолтой жүжигчид тоглосон байдаг.

8. Фэйсбүүк од: “LVA” энтертэйнментийн гурав дахь уран бүтээл “Фэйсбүүк од” уран сайхны кино залуусыг байлдан дагуулсан гэхэд болно. Энэхүү киноны продюссерээр “Guys” хамтлагийн дуучин, жүжигчин Д.Лхагва ажилласан бөгөөд гол дүрүүдэд жүжигчин Б.Анхбаяр, Мөнхсоёл зэрэг залуу уран бүтээлчид тоглосон. Эл кино 103,624,279 төгрөгний ашиг олж долдугаарт бичигджээ.

9. Сарны гөлөг: ”Zaya sh” студи “Сарны гөлөг” нэртэй инээдмийн уран сайхны кино гаргасан. Киноны найруулагчаар Ш.Даваадорж, продюссерээр нь М.Саранцэцэг ажилласан бол гол дүрд Ш.Алтанцэцэг, Ё.Алтангэрэл, Б.Одонтуяа, Б.Баатархүү нар тоглосон юм. Жирийн нэгэн гэр бүл сайхан амьдарч байсан ч тэднийд гэнэтийн зочин ирснээс ширүүхэн зөрчилдөөн үүссэнээр уг кино өрнөдөг юм. Киноны ашиг орлого нь 68.112.360 төгрөг юм.

10. Голланд сарнай: “Herub” энтертайнментийн бүтээл “Голланд сарнай” уран сайхны киноны гол дүрийг СТА Д.Жаргалсайхан, Ц.Алтанцэцэг, Ж.Оюундарь, СУИС-ийн гуравдугаар дамжааны оюутан Б.Мишээл нар амилуулсан. “Голланд сарнай” 65,330.587 төгрөгийн ашиг олжээ.

11. Хөлтрөг: "SB picture", "Lodic film"-ийн хамтарсан бүтээл “ХӨЛТРӨГ” сэтгэхүйн драм уран сайхны кино эх үрийн хайр, хүүгээ гэх эхийн сэтгэл, эхийгээ санах үрийн сэтгэлийг тод томруун гаргасан байдаг. Киноны ашиг орлого 60,664,847 төгрөг юм.

12. Шарталт: Алдарт “Шарталт” инээдмийн киноны монгол хувилбар. Лхагважаргалын найруулсан уг киноны гол дүрийг жүжигчин Ц.Батхуяг, Б.Баатархүү, Б.Бямбацогт нар бүтээсэн юм. Киноны ашиг орлого  40,152,971 төгрөг болжээ.

13. Үхлийн симфони: Шотландын зохиолч Роберт Луисын “The Bottle Imp” зохиолоос сэдэвлэсэн “Үхлийн симфони” адал явдалт аймшгийн кино Халловены баяраар нээлтээ хийж байсныг та бүхэн санаж байгаа байх. Киноны 49,562,224 төгрөгийн ашиг олжээ.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.