Хуримаа хийхээсээ өмнө хайртаасаа заавал энэ асуултыг асуугаарай

2017 оны 08-р сар 11-нд 10:00 цагт
Мэдээний зураг,

Найз залуу эсвэл бүсгүйдээ ухаангүй дурлаж, хамтдаа амьдрал зохиож  хайрын галаа сүндэрлэн асааж, сүй тавих гээд яараад байна уу. Тэгвэл уншигч та шийдвэртээ хүрэх гэж яарах хэрэггүй. Нэгэнт бүхий л амьдралаа хамт өнгөрөөхөөс хойш хань ижлээ сайн мэддэг, түүнтэйгээ санал нийлдэг байхад илүүдэхгүй. “New York Times” сэтгүүлийн хийсэн нэгэн судалгаа танд хамтрагчтайгаа амьдрал эхлүүлэхийн өмнө заавал асуух 15 асуултыг гаргаж өгчээ. Эдгээр сэдвийг "гэр бүл зохиохоосоо өмнө өөр хоорондоо сөхөж, санаа бодлоо хуваалцдаг" хэмээн харамсан ярих мянга мянган ганц биечүүд байдаг гэнэ.

Доорх асуултуудыг нухацтай авч хэлэлцэн, шаардлагатай үед харилцан буулт хийж чадсан хосуудыг “алс хэтдээ сайхан ирээдүй хүлээж байгаа гэхэд эргэлзэх хэрэггүй” хэмээн мэргэжилтнүүд зөвлөж байна. 

1.Хүүхэдтэй болох талаар ярилцаж үзсэн үү. Хэрэв хүүхэдтэй боллоо гэхэд хүүхэд асрагчийн үүргийг хэн нь голчлон биелүүлэх бол, хүүхдээ хаана, ямар сургууль цэцэрлэгт явуулж, хэрхэн эрдэм мэдлэг олгох вэ?

2.Бие биенийхээ санхүүгийн байдал, зорилго, үүрэг хариуцлагын талаар бүрэн дүүрэн ойлголттой яваа билүү. Ирээдүйд зардлаа хэрхэн хуваарилж, орлогоо хэрхэн хадгалж хуримтлуулах тухай санаа бодлоо солилцож үзсэн үү? (Гэр бүлийн харилцаанд санхүүгийн асуудал санал зөрөлдөж маргаан үүсэх үе их гардаг. Энэ тал дээр анхнаасаа л тодорхой харилцан ойлголттой байхад илүүдэхгүй)

3.Гэр орноо өөдтэй цэвэрхэн авч явахын тулд гэрийн доторх дүрэм журмыг сахиж, гэр орны ажлуудыг хэн нь биелүүлэх талаар ярилцаж үзсэн үү. Гэрийн ажлыг хэн нь хариуцах талаар ярилцаж байсан уу?

4.Бие мах бодь, эрүүл мэндийн талаар бүрэн тодорхой мэдээлэл хоорондоо солилцож асууж байсан уу. Энэ талаар хэр мэдлэг ойлголттой вэ?

5.Чиний хувьд шашин шүтлэг хэр чухал вэ. Хэрвээ хоёулаа өөр шүтлэгтэй бол энэ нь чи бидний харьцаанд хэрхэн нөлөөлөх бол?

6.Хамтрагч маань миний төсөөлж байгаа шиг хайр халамжтай хүн мөн үү. Би өөрийгөө хэр хэмжээнд энхрийлүүлж, илүүлж, үнсүүлж, тэврүүлж байх хүсэлтэйгээ хамтрагчдаа ойлгуулж үзсэн үү?

7.Хоёулаа бие биенийхээ бэлгийн хэрэгцээг хангаж чаддаг уу. Орон доторх хүсэл тачаал бас айдсуудынхаа талаар хэр нээлттэй ярилцаж чаддаг билээ?

8.Чамд надаас нуух зүйл гардаг уу. Нэгнийхээ и-мэйл, мессеж зэргийг асуулгүйгээр унших нь чиний бодлоор зөв үү?

9.Нэгнийгээ сэтгэлээсээ сонсож, түүнийхээ санаа оноог дэмждэг билүү. Ирээдүйд ямар ч сайн, муу зүйл тохиолдсон түүнийг хамтдаа давж гарах хүч тэнхээ, сэтгэлийн хад бидэнд бий гэж бодож байна уу?

10.Бид хоёр бие биенээ 'хүний' хувьд таньж мэдэж чадсан уу. Нэгнийхээ амьдралын шаардлагыг ухаарсан уу?

11.Чамд миний найз нөхөд таалагддаг уу. Тэд чиний хүндлэлийг хүлээх хүмүүс мөн үү? (Хэдий цугтаа амьдрал зохиож байгаа ч хайртынхаа найз нөхөдтэйгээ өнгөрүүлэх цагийг хүндлэх явдал)

12.Манай ар гэрийнхний юу нь чамд таалагддаггүй вэ?

13.Манай ар гэрийнхнээс чамд сайшаагддаг зүйл.  Бидний амьдралд ар гэрийнхэн чинь хэр хошуу дүрж, оролцох вэ?(Хадам аав, ээж гэдэг гэр бүл болоход зайлшгүй дурдагддаг сэдвүүдийн нэг. Хэрвээ хоорондоо ямар нэгэн асуудалтай байдаг бол түүнийг эртхэн шийдвэрлэсэн нь дээр)

14.Гэр бүлийнхээ төлөө шаардлагатай үед өөрийн дуртай зүйлээсээ татгалзаж, бүхнээ зориулахад бэлэн үү?

15.Бид хоёрын аль нэгэнд хол газар явах тушаал, дэвшин ажиллах санал ирвэл яах вэ?

Эх сурвалж: Relationship Rules, MOGUL

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.