"Golden Garuda 2019" ёслолын арга хэмжээ энэ сарын 24-нд болно

Twitter Print
2019 оны 12-р сар 02-нд 17:39 цагт
Мэдээний зураг,

Хүн бүр улиран одож буй оныхоо алдаа оноогоо дүгнэн амжилт ололтоо хэлэлцэн баталж ирэх оны хийх бүтээх ажлаа төлөвлөдөг.

Тэртээ 12 жилийн өмнө манай улсад анхны шаваа тавьсан спортын нэгэн холбоо бол Монголын Жюү Жицүгийн Холбоо юм. 12 дахь жилтэйгээ золгосон тус холбооны хамт олон жюү жицүгийн спортоор дамжуулан Монгол улсын нэрийг хилийн чанадад төдийгүй дотооддоо дуурсгасаар яваа. Үүний тод жишээ бол өөрийн эх орондоо 2019 оны 7-р сарын хүлээн авч амжилттай зохион байгуулсан Жюү жицүгийн Ази тивийн АШТ билээ.

Олон ололт амжилт, ялалтаар шинэ оноо угтаж байгаа хамт олон 2019 оны шилдгийг тодруулдаг “Golden Garudа” ёслолын арга хэмжээг 12-р сарын 24-нд зохион байгуулахаар төлөвлөжээ. Монголын жюү жицүгийн баг тамирчид 2019 онд Ази тив, Дэлхийн аварга, Гранд слам, Олон улсын томоохон тэмцээн уралдаанаас нийтдээ 420 гаруй медалийг зүүсэн байна. А

НЭУ-ын Абу Даби хотод энэ сарын 21-ний өдөр болсон Азийн жюүжицүгийн холбооны 4-р их хурлаар МЖЖХ-ны Ерөнхийлөгч Х.Эрдэнэбаатар Азийн холбооны Дэд ерөнхийлөгчөөр сонгогдож, мөн таван хүн Азийн холбооны салбар хороодын гишүүдээр 2019-2023 оны хооронд ажиллахаар сонгогдсон билээ. Энэ хүрээнд цаашдаа өөрийн улсдаа төдийгүй Ази тивд жюү жицүгийн спортыг өндөр түвшинд хөгжүүлж түгээн дэлгэрүүлэхийн төлөө МЖЖХ-ноос анхааран ажиллана гэлээ.

А.Алтанчимэг 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.