Авто зам ашигласны татварыг 100-350 мянган төгрөг болгож нэмлээ

Twitter Print
2019 оны 12-р сар 03-нд 09:37 цагт
Мэдээний зураг,

Нийслэлийн ИТХ-ын ээлжит XXIX хуралдаанаар “Авто зам ашигласны төлбөрийн хувь хэмжээг шинэчлэн тогтоох тухай” төслийг дэмжиж баталлаа.

Энэ талаар Нийслэлийн Засаг даргын орлогч Ж.Батбаясгалан "Авто зам ашигласны төлбөрийг ашиглаж байгаа хүн өөрөө төлөх нь зүйн хэрэг. Гэвч авто зам ашигласны төлбөрийн хувь хэмжээг эргээд харахаар бид жилд 10 мянган төгрөг төлөөд төрөөсөө сайн авто зам нэхэх боломж байхгүй болчхоод байна. Нийслэлийн авто зам ашигласны төлбөрийн хувь хэмжээг нэмэгдүүлснээр нийслэлийн төсөвт 50 гаруй тэрбум төгрөг төвлөрүүлэх бололцоотой. Энэ нь эргээд бидний зорчиж байгаа замыг засахад зарцуулагдана" гэлээ.

Авто зам ашигласны нэмэгдэл төлбөрийг 2020 оны нэгдүгээр сарын 1-нээс авч эхлэх бөгөөд тухайн автомашины хөдөлгүүрийнх нь багтаамжаас хамаараад төлбөрийн хэмжээ өөр өөр байх аж. 

Тодруулбал, 1000-2000 см3 хүртэл хөдөлгүүрийн багтаамжтай машины авто зам ашигласны төлбөр 100000 төгрөг болж нэмэгдэнэ. Энэ төрлийн багтаамжтай машин 250000 байдаг бол 4500-аас дээш хөдөлгүүрийн багтаамжтай машины авто зам ашигласны төлбөр 350000 төгрөг болж шинэчлэгдэж байгаа юм байна. 

Zaluu.com-н зураг.

Авто зам ашигласны хураамж болгон жолооч бүр жилдээ 20 мянган төгрөг төлдөг байсан. Харин авто зам ашигласны татварыг 5 дахин нэмснээр уг төлбөрөөс 14 тэрбум төгрөг цугладаг байсан бол  ирэх онд 74 тэрбумыг төвлөрүүлэх боломжтой гэж тооцжээ. 

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Жолооч

      (103.229.123.130) 2019-12-03 20:00
      • 0
      • 1

      Зөв шүү дээ! Хэрэгтэй юмандаа гар татаж, хэрэггүй юманд олсон хэдээ цацдаг зангаа татах нв зүйтэй. Баахан холхиж давхиж зам хашлагаа сүйтгэж хаячихаад арчлах гэхээр гэдийгээд суучихсан зангаа татацгаа. Эсвэл дэмий сэлгүүцэж замын ачааллыг нэмэгдүүлэхгүй баймаарсан

      Хариулах