Н.Номтойбаяр: Хөөвөл хөөнө л биз

УИХ дахь МАН-ын бүлгийн дэд дарга Н.Номтойбаяртай Төрийн ордонд таарлаа. Инээмсэглэсэн дүр төрх нь оргүй болж, бодлогоширсон царайгаар солигджээ. Түүнтэй цөөн хором ярилцав.

-АН бүлгийн хуралдаанаараа та нарыг засгаас гаргахаар шийджээ. Та юу хэлэх вэ?

-Би өчигдөр энэ талаар хэлдгээ хэлсэн шүү дээ

-Гэхдээ тэр үед АН-ын бүлэг хуралдаад шийдвэрээ арайхан гаргаагүй байсан?

-Шийдвэр гаргасан талаар нэг бичиг ирэх юм билээ. Түүнийг нь хүлээж байна.

-Та нар тэгэхээр цаашдаа яах вэ?

-Хөөвөл хөөнө л биз. АН-ын “баас”-ыг нь арчих гэж бид явах ёстой биш гэсэн юм.

Н.Номтойбаяр өчигдөр “АН-ынхан МАН-ыг засгаас хөөнө гэж маш хариуцлагагүй мэдэгдэл хийсэн. Ер нь бол АН дотоод асуудлаа шийдэж чадахгүй байж манай нам руу их  дайрч байна. Гэхдээ МАН -ыг засгаас хөөх эсэх нь тэдний л хэрэг” гэж мэдэгдэж байсан билээ. Гэсэн ч тус бүлгийнхэнд “арай хөөчихгүй байлгүй” гэсэн горьдлого байсан биз ээ.

Энэ мэдээ танд таалагдаж байвал LIKE хийгээрэй. Танд баярлалаа.