Хаягдал баттерейг хаана хаях вэ

Twitter Print
2020 оны 03-р сар 14-нд 17:22 цагт
Мэдээний зураг,

GP Battery Mongolia хамт олон нийгмийн хариуцлагын хүрээнд хаягдал батерей цуглуулах хогийн савыг доорх байршлуудад байршуулжээ.

Байршил:

Имарт дэлгүүр

CU сүлжээ

Доктор авто сүлжээ

Түгээмэл асуултын хариултууд:

-Хаягдал батерейгаа цуглуулаад хаана хаядаг вэ?

-Манайд хаягдал батерей устгах үйлдвэр байхгүй учир хог хаягдалтай тэмцэх газар албан ёсоор хүлээлгэн өгөх ажлыг зохион байгуулж байгаа. /Устгах үйлдвэртэй болтол хөрсөнд шингээхгүй тусад нь хадгална/

-Хаягдал батерейг гадаад уруу гаргаад, дахин ашиглахгүй юм уу?

-Монгол улсын хилээр хаягдал батерей гаргах нь өөрөө асар их зардалтай. Мөн түүнийг устгах үйл ажиллагаа л зөвхөн хийдэг байгаа. Дахин ашиглана гэсэн зүйл байдаггүй.

-Та нар хаягдал батерейг худалдаж авна гэвэл хүмүүс илүү их цуглуулах юм биш үү?

-Энэ бол батерей оруулж ирж байгаа, түүнийг зарж борлуулж байгаа, худалдан авч хэрэглэж байгаа хувь хүн болон албан байгууллагын хариуцлага. Тийм болохоор хамтдаа байгаль орчноо аль болох бага бохирдуулж, олон жил үр хойчдоо сайхан ирээдүйг өгөхийн тулд өөрсдийнхөө хувь нэмрийг бага ч гэсэн оруулахыг хүсье.

-Хогийн саваа бүх газраар байршуулж болдоггүй юм уу?

-Бидний үйл ажиллагааг дэмжин үнэ төлбөргүй хогийн сав байршуулах зөвшөөрөл өгсөн дээрх байгууллагуудад нэн тэргүүнд талархаж байгаагаа хэлэх нь зүйтэй байх.

Байршил олон байх тусмаа сайн хэдий ч түүнийг байршуулсны дараа хаягдлыг цааш нь албан ёсоор хог хаягдалтай тэмцэх газар өгч байгаа эсэх дээр эргэлзээтэй тул бид дүүрэг болгонд салбартай дэлгүүрүүдэд байршуулалтыг хийж өөрсдийн биеэр үр дүнтэй ажил хэрэг болгохыг зорьж байгаа.

No photo description available.

Г.Ганаа

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.