Токио хотын дарга огцрох өргөдлөө өгчээ

Twitter Print
2013 оны 12-р сар 19-нд 17:16 цагт
Мэдээний зураг,

Японы нийслэл Токио хотын дарга Наоки Иносэ албан тушаалаасаа огцрох өргөдлөө өгсөн талаар тус улсын өдөр тутмын хэвлэлүүдийн өнөөдрийн дугаарт мэдээллээ. Наоки Иносэ нь сүүлийн үед дуулиан тарьж буй албан тушаалтнуудын гэмт хэргийн нэг гол дүр болоод байгаа юм.

Тэрээр одоогоос яг жилийн өмнө дэлхийн хамгийн олон хүн амтай хотуудын нэг Токиогийн даргаар сонгогдож байсан аж. Түүний өмнөх дарга Шинтаро Ишихара нь 2012 оны аравдугаар сард улстөрийн шинэ нам байгуулж, сонгуульд өрсөлдөх зорилгоор Токиогийн захирагчаас огцорч байсан юм.

Наоки Иносэ өчигдөр хэвлэлийн бага хурал хийлгэж энэ талаар мэдээлсэн юм байна. Тэрээр огцрох болсон шалтгаанаа “Энэ албан тушаалд цаашид ажиллах нь Токио 2020 зуны олимпийн бэлтгэл ажилд муугаар нөлөөлөх магадлалтай учир” хэмээн тайлбарласан юм.

Гэхдээ сонгуулийн өмнө сүлжээ эмнэлэгийн эзэн бизнесмэнээс 50 сая иен авч сонгуулийн сурталчилгаандаа ашигласан хэрэгт буруутгагдаад байгаа юм. 

Японы хууль тогтоомжид улс төрч хүн хувийн хэвшилд бизнес эрхэлж байгаа бизнесмэнээс мөнгө төгрөг авахыг хориглодог юм байна. Иносэ эхэндээ 50 сая ам.долларыг зээлээр авсан, гэхдээ сонгуулийн сурталчилгаанд биш өөр зорилгоор авсан гэж мэдүүлж байсан ч хууль тогтоогчид үүнийг батлах шаардлагатай гэж үзэж байгаа юм.

Д. Энхнаран

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.