Цахим дээрэлхэлтээс урьдчилан сэргийлэх нэгэн үйлчилгээний тухай

Twitter Print
2021 оны 05-р сар 04-нд 13:40 цагт
Мэдээний зураг,

Манай ерөнхий боловсролын сургуулиудад Microsoft 365, Google Edu Apps-G suite хэрэглэдэг сургуулиуд дараах боломжийг судалж хэрэгжүүлэхийг саналж болгож байна.

АНУ-ын бүх сургуулиудад сургалтын зориулалтаар хэрэглэж байгаа Microsoft 365, Google Edu Apps-G suite нөхцөлд үнэ төлбөргүй хэрэглэж болдог юм байна. Монгол сургуулиуд ч хэрэглэх боломжтой байх учиртай.

Энэ аппликэйшн нь Bark нэртэй бөгөөд таны хүүхдийн аюулгүй байдлыг хоточ нохой мэт манах боломжтой.

Хүүхдэд ирж болон явуулж байгаа бүх мэйл, бүх чатын текстүүдийг хянаж хүүхдэд аюултай мэдээлэл ирэх тохиолдолд холбосон эцэг эхийн болон сургуулийн админы хаягт анхааруулга дохио ирдэг байна.

Энэ хамгаалалтын програмыг суулгаж, шаардлагатай админ тохиргоонуудыг хийснээр олон давуу талууд бий болно. Жишээ нь веб хөтчийн тохиргоог тааруулснаар

1. Сурагчид сургуулийн хаягаа Инкогнито болон нэрээ нууцлан ашиглах боломжгүй болно.

2. Сургалтад хэрэгтэй тодорхой аппликэйшнуудыг хаах, өөрчлөх тохиргоог зогсоох боломжтой ингэснээр сургалтын үед гардаг тохиргооны олон бэрхшээлүүдийг тодорхой хэмжээн амархан шийдэх боломжтой

3. Safe search тохиргоо хийснээр цахим орчинд сурагчийн хийж байгаа хайлтад зохисгүй агуулга илэрцэд гарахгүй болно.

4. Youtube Restricted Mode тохиргоо хийснээр сурагчдын насанд тохироогүй видео илэрцэд гарахгүй болно.

5. Байгууллагаас өгсөн хаягийг зочны эрхээр ашиглах, чатын түүхийг нуух устгах боломжгүй болгох тохиргоог хийснээр хэн нэг нь бусдын мэйл чатын эрхийг өмнөөс нь ашиглах, бусдыг дээрэлхсэн ул мөрөө нуух боломжгүй болно.

Мөн хамгийн гол нь бүх хэлбэрээр илгээгдэж хүлээн авч байгаа англи хэл дээрх текстүүдийг шинжилснээр

1. Цахим дээрэлхэлтийг таних сэргийлэх

2. Амиа хорлох сэдлийг таних сэргийлэх

3. Бэлгийн хүчирхийлэгчдийг таних сэргийлэх

4. Хүчирхийлэл заналхийллийг таних сэргийлэх зэрэг арга хэмжээг авч зохих хүмүүст мэдээлдэг нь үнэлж баршгүй чухал үндсэн функц нь юм. Мөн эцэг эх, багш сургуульд цахим дээрэлхэлтийн аюулын дохио ирэхэд авах арга хэмжээ, шийдвэрлэх арга замууд гээд бүх асуудлыг маш сайхан бодож боловсруулж шийдсэн аппликейшн байнаа.

Энэхүү аппликэйшн суулгаснаар та бүхэн сургуулийн хэмжээнд хэрэглэж байгаа албан мэйл хаягуудаа хянах бүрэн боломжтой болно.

Ингэснээр танай сургуулийн хэрэглэгчдийн мэйл болон бусад мэдээлэлд нь халдахгүй түүнийг хэн нэгэн нээж үзэж байгаа хэрэг биш бөгөөд зөвхөн дамжуулж буй системээс аюулыг таних, аюулаас зайлсхийх, давтамж зэрэг олон арга хэлбэрүүдээр эдгээр аюул заналыг таньж байгаа юм.

Хэрвээ танай хүүхдийн сургууль албан мэйл хэрэглэдэг, цахим сургалтад идэвхтэй ашигладаг бол цахим дээрэлхэлтийн эсрэг тодорхой үр дүнтэй ажил хийхэд нь энэ мэдээллийг хүргэж туслаарай.

Норовсамбуугийн Нарантуяа

Тодорхой мэдээлэл зааврыг дараах холбоосуудаар аваарай.

https://www.bark.us/schools

https://barkassets.s3.amazonaws.com/.../BarkforSchools...

Админ тохиргооны зөвлөмж G Suite

https://support.bark.us/hc/en-us/articles/360050417191

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.