Өнгөрсөн шөнө 22 иргэн угаарын хийнд хорджээ

Twitter Print
2019 оны 11-р сар 12-нд 13:03 цагт
Мэдээний зураг,

Нийслэлийн онцгой комиссоос угаарын хийнд хордсон иргэдийн нөхцөл байдлын талаар тодрууллаа.

Тухайлбал, өнгөрсөн шөнийн байдлаар буюу 2019 оны арваннэгдүгээр сарын 11-ний 18.00 цагаас 12-ны 06.00 цаг хүртэл угаарын хийн хөнгөн хордсон гэх есөн дуудлага иржээ. Үүнээс 17 том хүн, таван хүүхэд дуудлага өгсөн бөгөөд өглөөний 09.00 цагийн байдлаар эмнэлэгт хэвтэн эмчлүүлж буй хүн байхгүй хэмээн мэдээллээ.

Дээрх иргэдэд эмнэлгийн туслалцаа үзүүлэн, гэрээр эмчлүүлэх зөвлөгөө бичиж өгсөн ажээ. Мөн хүйтний эрч чангарч галлагаа нэмэгдэж байгаатай холбоотойгоор пийшин, зуухныхаа битүүмжлэлийг шалгаж, сайжруулсан шахмал түлшний галлагааг зөв хийхийг иргэд, олон нийтэд онцгойлон анхааруулж байна гэдгийг албаныхан онцолж хэллээ.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.