Төрийн үйлчилгээний бүх албан хаагч тэтгэвэрт гарахдаа нэг удаа буцалтгүй тусламж авна

Төрийн албан хаагчид өндөр насны тэтгэвэрт гарахдаа үндсэн цалингийнхаа 36 сарын цалинтай тэнцэхүйц буцалтгүй тусламжийг нэг удаа авдаг.

Үүнийг Засгийн газрын 2019 оны 1 дүгээр сарын 09-ний өдөр баталсан 07 дугаар тогтоол буюу “Төрийн албан хаагчид өндөр насны тэтгэвэрт гарахад нэг удаагийн буцалтгүй тусламж олгох журам”-ыг үндэслэн олгодог. 

Тус журмын дагуу нэг удаагийн буцалтгүй тусламжийг төрийн үйлчилгээний бүх албан хаагч буюу эмч, багш нарт ч олгодог бөгөөд уг журам 2020 оны нэгдүгээр сарын 1-нээс хэрэгжиж эхэлсэн юм.

Мөн Засгийн газрын 2018 оны 12 дугаар сарын 19-ний өдрийн 382 дугаар тогтоолын дагуу төрийн захиргааны болон үйлчилгээний алба хаагчдад төрийн алба хаасан хугацааны нэмэгдэл олгодог. Үүнд

• 6-10 жилд 5 хувь,

• 11-15 жилд 10 хувь,

• 16-20 жилд 15 хувь,

• 21-25 жилд 20 хувь,

• 26 ба түүнээс дээш 25 хувийн нэмэгдэл олгоно.

Уг журам мөн 2020 оны нэгдүгээр сарын 1-нээс хэрэгжиж эхэлжээ. 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.