Хятадад КОВИД-19 өвчнөөр нас барсан тохиолдол 6 сарын дараа дахин бүртгэгдлээ

Twitter Print
2022 оны 11-р сар 21-нд 11:16 цагт
Мэдээний зураг,

Хятадын нийслэл Бээжин хотод өнгөрсөн ням гарагт 87 настай эр коронавирусын халдварын улмаас нас баржээ. Коронавирусын цар тахлын эсрэг хатуу арга хэмжээ авсаар байгаа тус улсад сүүлийн 6 сард уг халдварын улмаас нас барсан тохиолдол бүртгэгдээгүй байсан юм.

Дэлхийн бусад улс орнуудаас ялгаатай нь Хятад одоог хүртэл хатуу хөл хорио тогтоож, иргэдийг олноор нь шинжилгээнд хамруулж, тусгаарлах арга хэмжээ авсаар байгаа билээ.

Орон нутгийн удирдлагуудын мэдээлснээр Бээжинд өнгөрсөн ням гарагт коронавирусын халдварын 621 тохиолдол шинээр бүртгэгдсэн бол Хятад улс даяар өнгөрсөн 24 цагийн хугацаанд 24 мянга гаруй дотоодын халдвар бүртгэгджээ.

10 хоногийн өмнө Бээжин хот цар тахлын эсрэг зарим нэг хязгаарлалтаа сулруулсан билээ. Үүнд гадаадаас ирсэн иргэдийн тусгаарлалтын хугацааг богиносгох арга хэмжээ багтжээ.

Үүний дараа Хятадын хэд хэдэн хот иргэдийг олноор нь шинжилгээнд хамруулахаа зогсоосон юм. Гэсэн ч Хятадын эрх баригчид эдийн засгийн өсөлтийг нь удаашруулж, иргэдийнх нь бухимдлыг төрүүлж, олон улсын хувьд хаалттай, тусгаарлагдмал болгосон цар тахлын эсрэг бодлогоо өөрчлөхгүй гэдгээ удаа дараа онцолсон билээ.

Бээжин хотын орон сууцны зарим хороололд хөл хорио тогтоож, халдварын сэжигтэй тохиолдлуудаа тусгаарлалтын байранд байрлуулаад байна.

Гуандун мужийн Гуанжоу хотод өнгөрсөн ням гарагт 8000 гаруй тохиолдол бүртгэгдсэнтэй холбоотойгоор Хятадын эрх баригчид 1.8 сая хүн амьдардаг Хайжү дүүрэгт коронавирусын шинжилгээ авах хэсэг байгуулж, Байюн дүүрэгт 5 хоногийр хөл хорио тогтоожээ.

Өнгөрсөн долоо хоногт Гуанжоуд хөл хориог эсэргүүцсэн иргэд жагсаад цуглаан зохион байгуулж, эмх замбараагүй байдал үүсгэсэн билээ.

Эрх баригчид халдварын тархалтыг бууруулахын тулд иргэдийг амьдардаг дүүргээсээ гарахгүй байхыг зөвлөж байгаа ба Бээжин хотын томоохон их дэлгүүрүүд хаалгаа барьжээ.

Зарим цэцэрлэгт хүрээлэнгүүд болон фитнесс төвүүдийг хааж, бусад үйлчилгээний байгууллагууд богиносгосон цагийн хуваариар ажиллаж байна. Мөн албан байгууллагууд ажилчдадаа гэрээсээ ажиллахыг зөвлөсөн байна.

Эх сурвалж: The Guardian

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • DR. PRADHAN

      (197.210.28.197) 2022-11-21 13:57
      • 0
      • 0

      БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)

      Хариулах