УИХ-ын гишүүн Ж.Батзандан ТЕГ-ын дарга асан Б.Хурцыг гүтгэсэн нь тогтоогджээ

Twitter Print
2019 оны 11-р сар 19-нд 10:18 цагт
Мэдээний зураг,

УИХ-ын гишүүн, ШИНЭ намын дарга Ж.Батзандан ТЕГ-ын дарга асан Б.Хурцыг гүтгэснийг шүүхээс тогтоожээ.

Тодруулбал, Ж.Батзандан “Б.Хурц Дамирангийн Энхбатыг С.Зоригийг хөнөөсөн хэрэгт холбогдуулан Франц, Германаас хулгайлж, Монголд хууль бусаар авчирсан. С.Зоригийг хөнөөсөн хэргийг илрүүлснийхээ төлөө генерал цол хүртсэн. “Эрдэнэт”-ийн 49 хувийг ХХБ-д авч өгөх ажиллагааг гардан зохион байгуулсан хүн бол манай алдарт тагнуулч Б.Хурц юм” гэх мэтээр мэдээлэл хийж байсан юм.

Гэвч энэ нь үнэн зөв буюу бодит байдал дахь үйл баримттай нийцэж буй нь тогтоогдоогүй тул дээрх мэдээллийг тараасан шигээ няцаах хариуцлагыг түүнд шүүхээс ногдуулжээ. 

Ж.Батзандан итгэмжлэгдсэн төлөөлөгчөөрөө дамжуулан шүүхэд гаргасан тайлбартаа  “Дээрх мэдээнүүд хэвлэл мэдээллийн хэрэгслээр олон жил нийтэд илэрхий болсон, нэгэнт тараагдсан мэдээнүүд байсан. Хардах эрхийн хүрээнд хийсэн” гэх мэтээр мэдүүлсэн аж.  

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • МОНГОЛ ХҮҮ

      (182.160.38.207) 2020-01-02 13:34
      • 0
      • 0

      Батзандагын зөв хурц бол гэмт хэрэгтэн үл бүтэх нөхөр олон хүнийг хэлмэгдүүлсэн чорт гэдэг нь ил болсон шүү дээ.

      Хариулах