Америкийн цэргийнхэн үл үзэгдэх хувцас бүтээжээ

Twitter Print
2015 оны 05-р сар 12-нд 10:31 цагт
Мэдээний зураг,

Америк цэргүүд удахгүй үл үзэгдэх өнгөлөн далдлалтын хувцастай болох аж. Ийм хувцастай цэргүүд хүний нүдэнд бараг харагдахгүй болохыг The Daily Mail сонин онцолсон байна.

Шинэ үеийн өнгөлөн далдлалтын хувцасыг стелс-технологи гэх цахилгаан соронзон долгионы тусламжтайгаар гэрэл хугалж нүдэнд харагдах хэсгийг бууруулах материалаар бүтээсэн аж.

Байгаль дээр хамелеон мэт хувирах чадвартай уг хувцас тухайн орчиноос хамаарч өнгөө байнга өөрчилж байдаг тул цэргүүд байгаль орчинд ууссан мэт харагдах гэнэ. Харин хувцасны үл үзэгдэх чадварыг цахилгаан тэжээл шийдвэрлэх бөгөөд 450 грамм жинтэй аккумулятор найман цагийн хугацаанд цэнэгээ барих боломжтой аж. Тэрчлэн цаг агаарын ямар ч нөхцөлд найдвартай хамгаалалт болох чадвартай  уг хувцас цэргүүдийн байлдааны чадварт сөргөөр нөлөөлөхгүй гэнэ.

АНУ-ын Батлан хамгаалах яамнаас тавьсан зорилтын дагуу одоогоор хоёр хувилбараар бүтээгээд байгаа уг хувцасны эхний загваруудыг 18 сарын дотор багтаан гаргаж, нэг жилийн хугацаанд турших юм байна.

Ирээдүйн технологи гэж болох үл үзэгдэх хувцас бүтээх санааг анх Лондон хотын эзэн хааны коллежид эрдэм шинжилгээний судалгаа явуулж байсан онолын физикч Жон Пендр 2006 онд олсон байна. Тэрээр гэрлийн хугарлыг ашиглан үл үзэгдэх боломжтой метаматериал бүтээх арга зам хайн судалсаны дүнд гэрлийн долгионы тодорхой хэмжээний урт, гэрлийн тусгалын өнцөгөөс шалтгаалан орчиндоо хувирах, үл үзэгдэх материал гаргаж авч чаджээ. Өнөө хүртэл зөвхөн  лабораторийн нөхцөлд туршиж ирсэн шинэ төрлийн уг материал гэвч, одоохондоо бүрмөсөн үл үзэгдэх боломжгүй, цаашид гэрлийн долгионы тодорхой уртын хэмжээг шийдэж чадвал нэвт харагддаг үл үзэгдэх материал болох боломжтой гэнэ.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.