Дохионы хэл "шоглоом" биш

Twitter Print
2013 оны 12-р сар 17-нд 09:56 цагт
Мэдээний зураг,

Өмнөд Африкийн Ерөнхийлөгч агсан Нельсон Манделатай салах ёс гүйцэтгэх ёслолын үеэр "хуурамч" дохионы хэл ашиглаж "марзганасан" эр уучлалт гуйлаа. Тамсанка Жантжи гэх энэ эр ямар ч үндэслэлгүй, хуурамч дохионы хэлээр "хэлмэрчилсэн"-ийг "арай дэндүү гутамшигтай, ичгүүр сонжуургүй явдал" байсан гэж Сонсголын бэрхшээлтэй иргэдийн холбоо гомдол мэдүүлсэн байна. Энэ үйл явдал ӨАБНУ-ын нэр хүндийг дэлхий дахинд гутаасан үйл явдал боллоо гэж олон хүн үзэж байгаа юм.

"Би сэтгэл мэдрэлийн эмчилгээ хийлгэж байгаа" гэж 34 настай энэ залуу Өмнөд Африкийн нэг телевизэд ярилцлага өгөхдөө мэдэгдсэн байна. Өнгөрөгч Мягмар гарагт болсон, Манделатай салах ёс гүйцэтгэх ёслолын үед тэрээр "элдэв чимээ сонсож, хий юм харж эхэлсэн" учир гэнэт анхаарлаа төвлөрүүлж чадахгүй болсон гэж өгүүлж байгаа аж. 

Тамсанка Жантжи АНУ-ын Ерөнхийлөгч Барак Обама болон бусад улсын төр, засгийн тэргүүн, нэр хүндтэй албаны хүмүүсийн хамт тайзан дээр зогсож, тэдний хэлсэн үгийг дохионы хэлээр хүргэх ёстой байсан юм. "Өөрийгөө хянахыг хичээсэн ч би сандарснаасаа болоод хяналтаа бүрэн алдсан, сүүлдээ өөрийгөө юу хийгээд байгааг ч ойлгохоо больсон" гэж тайлбар өгсөн тэрээр Өмнөд Африкийн дохионы хэлний байгууллагын ахлах орчуулагч аж. Мөн "миний энэ үйлдэл хэн нэгнийг гомдоосон бол уучлахыг чин сэтгэлээсээ гуйя" гэсэн байна.  

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.