Хүүхдийн цэцэрлэгийг хүүхнүүдийн цэнгээний газар болгожээ

Twitter Print
2013 оны 12-р сар 17-нд 08:45 цагт
Мэдээний зураг,

Хүүхдийн цэцэрлэгийг хүүхнүүдийн цэнгэдэг газар болгосон гэх мэдээлэл чих халууцуулж эхлэв. Тодруулбал Чингэлтэй дүүргийн II хороонд байрлах Улсын тэргүүний хоёрдугаар цэцэрлэгийн байранд “Хас өргөө транс” хэмээн компани “Like karaoke” гэх нэртэй цэнгээний газрыг ажиллуулаад удаж байгаа юм байна.  Энэ талаар Чингэлтэй дүүргийн албаны эх сурвалж ”Хоёрдугаар цэцэрлэг нь Монголын үйлдвэрчний эвлэлийн харьяа юм. Тавь орчим жилийн түүхтэй цэцэрлэг. 1960 онд ашиглалтад орж байсан. Сүүлийн жилүүдэд үйл ажиллагаагаа явуулахаа байсан. Хувийн хэвшлийн байгууллагууд ажиллаж байна. Өнөөдрийн байдлаар “Хас өргөө транс” ХХК-тай караоке баар ажиллуулахаар гурван жилийн хугацаатай гэрээ байгуулаад түрээсэлсэн” гэх  тайлбарыг өгч байна.

Өөрөөр хэлбэл хүүхдийн дуу хуур цангисан өргөө хүүхнүүд, эрчүүдийн хөлчүүрхэдэг газар болж хувирчээ. Гэтэл өнөөдөр Чингэлтэй дүүрэгт  цэцэрлэгийн насны 13,110 хүүхэд бий. Үүнээс 4,915 хүүхэд цэцэрлэгт хамрагдаж чадаагүй гэсэн судалгаа байгаа юм. Дүүргийн оршин суугчид энэ талаар Монголын Үйлдвэрчний Эвлэлийн Холбооны ерөнхийлөгч асан УИХ-ын гишүүн С.Ганбаатар болон одоогийн МҮЭХ-ын ерөнхийлөгч Х.Амгаланбаатар нарт хандаад байгаа юм байна.

Харин МҮЭХ-ны Санхүү, аж ахуй, хөрөнгө оруулалт хариуцсан мэргэжилтэн Н.Энхманлай “Энэ цэцэрлэг манай өмчлөлийн газар юм. Чингэлтэй дүүргийн мэргэжлийн хяналтын газраас дүгнэлт гарч цэцэрлэгийн үйл ажиллагааг нь арван жилийн өмнө зогсоосон. Үүнээс хойш агуулахын зориулалтаар ашиглаж байсан юм. Өнгөрсөн наймдугаар сараас “Хас өргөө транс” ХХК -д түрээслэсэн. Нэг жилийн гэрээ байгуулан ажиллаж байгаа” хэмээн хэнэггүйхэн хэлж сууна. Тэрбээр хэдий хэрийн өртгөөр хүүхдийн цэцэрлэгийг түрээслэснийг ч таг нууцлаж байна.

Д.Урин

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.