Нийслэлийн хэмжээнд “Нэг сая мод ургуулах хөдөлгөөн” зохион байгуулна

Twitter Print
2015 оны 04-р сар 24-нд 10:33 цагт
Мэдээний зураг,

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Ажлын хэсэг байгуулах тухай” А/338 дугаар захирамж гаргалаа. Захирамжийн дагуу Монгол Улсын  Ерөнхийлөгчийн 2010 оны “Мод тарих үндэсний өдөр зарлах тухай” 63 дугаар зарлигийн дагуу 2015 оны мод тарих  өдрийг  Байгаль орчин, ногоон хөгжил аялал жуулчлалын сайдын санаачилгаар “Нэг сая мод ургуулах хөдөлгөөн” өрнүүлэх хэлбэрээр нийслэлийн хэмжээнд зохион байгуулна.

Энэ хүрээнд “Нэг сая мод ургуулах хөдөлгөөн”-ийг нийслэлийн хэмжээнд зохион байгуулах Ажлын хэсгийн бүрэлдэхүүнийг баталлаа. Ажлын хэсгийн ахлагчаар нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ ажиллах юм.
 
Дүүрэг бүрт “Нэг сая мод ургуулах хөдөлгөөн” өрнүүлэх үйл ажиллагааг хэрэгжүүлэх Засаг даргын орлогчоор ахлуулж, хорооны Засаг дарга нарыг оролцуулсан Ажлын хэсэг байгуулж, ажлын төлөвлөгөө боловсруулан, зардлыг батлан, гүйцэтгэсэн ажлын тайланг тухай бүр дэд ажлын хэсэгт ирүүлж ажиллахыг дүүргүүдийн Засаг дарга нарт, захирамжийн хэрэгжилтийг хангуулан ажиллахыг Экологи, ногоон хөгжлийн асуудал хариуцсан орлогч Т.Бат-Эрдэнэд даалгалаа.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.