Футзалын үндэсний шигшээ баг БНСУ-ын багт 2:0 харьцаагаар ялагдлаа

Twitter Print
2019 оны 10-р сар 27-нд 18:24 цагт
Мэдээний зураг,

Футзалын Азийн аварга шалгаруулах тэмцээний эрх авах урьдчилсан шатны тэмцээнд Монголын үндэсний шигшээ баг тоглож буй билээ.

Тэд урьдчилсан шатны "В" хэсгээс БНХАУ-ын шигшээ багийг даган хоёрдугаар байраар шалгарсан бөгөөд өчигдөр БНСУ-ын шигшээ багтай "Плэй-офф"-ын тоглолт хийсэн юм. Тус тоглолтод хожвол ирэх онд болох Футзалын ААШТ-нд орох эрхээ авах байсан ч Монголын шигшээ баг харамсалтайгаар ялагдал хүлээлээ.

Тоглолтын 7 дахь минутад БНСУ-ын шигшээ багийн тамирчин Ким Мин-кук гоолдож тооны харьцааг нээсэн бол дөнгөж нэг минутын дараа түүний багийн хамтрагч Пак Хан-уль 2:0 болгосон юм. Үүний дараа Сёо Вон-ёон тоглолтын 17 дахь минутад багийнхаа гурав дахь гоолыг хийснээр тоглолтын эхний хагас дууссан байна. 

Хоёрдугаар хагас эхлээд 26 дахь минутад Ким хоёр дахь гоолоо хийсэн ба төд удалгүй Пак Жёон-ин багийнхаа тав дахь гоолыг хийснээр тоглолтын үндсэн цаг 5:0 харьцаагаар өндөрлөв. Ийнхүү БНСУ-ын шигшээ баг 2020 онд Туркменистан улсад болох Футзалын ААШТ-нд орох эрхээ авсан юм. 

Эх сурвалж: Азийн хөлбөмбөгийн холбоо

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.