Үндэсний фронтынхон генералуудаа хөөж, тоймч Ш.Гантулгыг тэргүүнээр сонгожээ

Twitter Print
2019 оны 11-р сар 12-нд 12:40 цагт
Мэдээний зураг,

Монголын Үндэсний фронт хөдөлгөөнөөс өнөөдөр цаг үеийн асуудлаар хэвлэлийн бага хурал хийж, Удирдах зөвлөл нь хуралдан шинэ тэргүүнээ сонгосныг мэдэгдэв.

Тодруулбал, хөдөлгөөнийхөн шинэ тэргүүнээр олон улсын тоймч Ш.Гантулгыг сонгож, генерал Б.Баярмагнай, З.Болдбаатар нарыг хөөсөн аж. МҮФ-ын төлөөлөгч “МҮФ-ыг байгуулах үеэр генерал Б.Баярмагнай, З.Болдбаатар нарын 11 хүн андгай тангараг өргөсөн. Өнөөгийн эрх баригчидтай тэмцэж, Засгийн эрхийг Монголын ард түмэнд авч өгнө гэж андгайлсан. Гэтэл энэ хоёр генерал фронтоо орхилоо. Тиймээс бид Удирдах зөвлөлийн хурлаа хийж, энэ хоёр генералыг Монголын Үндэсний фронтоос хөөж байна. Ийм урвагчид эх орныг авч явах, Монголын төлөө зүтгэх нүүргүй болсон. Монголчууд урвагч нарт үнэхээр дургүй” гэжээ.

Генерал Б.Баярмагнайн хувьд өмнө нь ар гэрийн шалтгаанаар үндэсний фронт хөдөлгөөнөөс түр хугацаагаар хөндийрч байгаагаа мэдэгдэж байсан юм.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.