Ц.Оюунбаатарыг АТГ шалгана

Twitter Print
2013 оны 12-р сар 13-нд 17:24 цагт
Мэдээний зураг,

УИХ-ын гишүүн Ц.Оюунбаатар өөрийн хүсэлтээр АТГ-т  шалгуулахаар болжээ. Түүнээс зарим зүйлийг тодрууллаа.

-Налайх дүүргийн Татварын хэлтэст ажиллаж байсан нэг эрхэм таныг татварын булхайтай гэж мэдээлсэн. Энэ асуудлаараа шалгуулах гэж байна уу?

-Налайх дүүргийн Татварын хэлтэст ажиллаж байсан Н.Энхээ гэгч нь хэвлэл мэдээллийн хэрэгслээр  “Ц.Оюунбаатарын болон татварын олон булхайг мэддэг” гэх утгатай мэдэгдэл хийлээ. Энэ асуудлыг шалгаад өгөөч гэж  АТГ-т хандан хүсэлт гаргалаа.

Миний хувьд  авлигын чиглэлээр олон жил судалгаа хийсэн хүн. 1991 оноос хойш авлига, албан тушаалаа урвуулан ашиглаж хөрөнгөжих үйл ажиллагааг судалж томоохон судалгааны бүтээл ч хэвлүүлж байсан юм. 1996, 1998, 2005 оны авлигын эсрэг хуулиудыг боловсруулах, хэрэгжүүлэх ажилд биечлэн оролцож, төрийн байгууллагад тэр дундаа татварын салбарт авлигыг  хязгаарлах, урьдчилан сэргийлэх чиглэлээр хатуу тэмцэл хийж ирсэн хүн би.

-Өмнө нь та шалгуулж байв уу?

-Өнгөрөгч 2004 онд УИХ-ын гишүүн байхдаа нэг удаа шалгуулах хүсэлт гаргаж байв. Цагдаагийн Ерөнхий газарт, Татварын ерөнхий газрын даргаар ажиллаж байсан үедээ 2010 онд Мөрдөн байцаах газарт өргөдөл гаргаж, надтай холбоотой гарсан мэдээллийг нягталж өгөөч гэсэн хүсэлт тавиад  шалгуулж байсан юм. Миний бие авлигын гэмт хэрэгт холбогдсон нөхцөлд УИХ-ын гишүүнээс дуртайяа түдгэлзэн шалгуулна.  АТГ-т хүргүүлсэн бичигт УИХ-ын гишүүн байх нь өөрт холбогдох аливаа асуудлаа шалгуулахад саад болох эсвэл хариуцлагаас зайлсхийх, зугтах, халхавч болох ёсгүй гэж боддог

Д.Урин

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.