Нийгмийн даатгалын шимтгэлээ үнэн зөв төлөгдөж байгаа эсэхийг цахимаар шалгадаг боллоо

Twitter Print
2015 оны 04-р сар 03-нд 08:42 цагт
Мэдээний зураг,

Өнөөдрийн байдлаар Сайн дурын даатгалд даатгуулагчдийн тоо 160 орчим мянга, Албан журмын даатгуулагчдын тоо 850 орчим мянга байгаагийн дийлэнх хувь нь идэвхтэй хөдөлмөр эрхлэх насныхан буюу залуучууд байна.

Энэ ч утгаараа нийгмийн даатгалд хамрагдахаас гадна нийгмийн даатгалын санд төлсөн шимтгэлийн дүн нь банкны үйлчилгээ авах, гадаад улс оронд зорчих виз хүсэхэд тухайн хүний орлогыг тодорхойлох баталгаа болгон ашиглах тохиолдол их байгаа юм.

Үүнтэй холбогдон гардаг нэг асуудал нь ажил олгогч нь тухайн хөдөлмөр эрхлэгчийн сар бүр авдаг үндсэн цалинг бууруулсан дүнгээс буюу хөдөлмөрийн хөлсний доод хэмжээнээс нийгмийн даатгалын шимтгэл төлсөнөөр тухайн даатгуулагчийн төлсөн шимтгэл нь орлогыг нь тодорхойлох боломжгүй болох мөн нийгмийн даатгалын сангаас хүртэх үндсэн үйлчилгээ, тэтгэвэр, тэтгэмжийн дүнд сөргөөр нөлөөлдөг билээ.

Иймд даатгуулагч, Та бүхэн ажил олгогчоос таны нийгмийн даатгалын шимтгэлийг үнэн зөв, хугацаанд нь төлж байгаа эсэхийг дараах гурван арга замаар шалгаарай.

  1. Та сар болгон аль эсвэл улирал болгон байгууллагынхаа нягтлан бодогчоос нийгмийн даатгалын дэвтрээ шаардан бичилт зөв хийгдсэн, тамга хугацаандаа дарагдсан эсэхийг шалгах

  2. Нийгмийн даатгалын ерөнхий газрын www.ndaatgal.mn  вэб сайтын “Даатгуулагчийн цахим мэдээлэл” гэсэн хэсэгт бүртгүүлэн хүссэн үедээ мэдээллээ шалга. Энэ тохиолдолд таны төлсөн нийгмийн даатгалын шимтгэл нь нийгмийн даатгалын таван санд хэрхэн хуваарилагдсаныг нарийвчлан харуулна.

  3. Шилэн дансны тухай хууль 2015 оны 01 дүгээр сарын 1-ний өдрөөс мөрдөгдөж эхэлсэнтэй холбоотойгоор Нийгмийн даатгалын ерөнхий газрын www.ndaatgal.mn  цахим хуудсанд “Шилэн данс” гэсэн тусгай цэс ажиллуулж эхэлсэн байгаа.

Шилэн данс Байгууллага / Нийгмийн даатгалын сангаас олгосон тэтгэвэр, тэтгэмж, төлбөрийн мэдээлэл гэсэн хэсгээс иргэн өөрийн регистрийн дугаараар цахим санд нэвтэрч мэдээлэл авах хэсгээс нийгмийн даатгалын ямар үйлчилгээ та авснаа мэдэх, шалгах боломжтой. Бүр цахим хаягаа бүртгүүлж, нууц үгээ сонгосноор сар бүр Нийгмийн даатгалын хэлтэсээс таны нэрийн дансанд хэдэн төгрөг хуримтлагдсан тухай мэдээлэл ирэх юм.  

Г.Ганаа

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.