Ц.Нямдорж Х.Болорчулуун нар Оюутолгойн асуудлаар маргалдаж заамдалцаж авчээ

Twitter Print
2019 оны 11-р сар 19-нд 16:51 цагт
Мэдээний зураг,

УИХ дахь МАН-ын бүлгийн өчигдрийн хаалттай хуралдаанаар Оюутолгойн гэрээ улмаар өнөөдрийн хүчингүй болсон гэгдээд буй Дубайн гэрээ ч яригджээ.

Энэ асуудлаар Ц.Нямдорж, Х. Болорчулуун нарын дунд ширүүхэн маргаан өрнөж, улмаар заамдалцаад авчээ.Оюутолгойн ажлын хэсгийн дүгнэлтэд "гэрээг цуцлах хүртэл арга хэмжээ авах" тухай заасныг Ц.Нямдорж эсэргүүцжээ. Гэтэл УИХ-ын гишүүн Х.Болорчулуун "Ц.Нямдорж Рио Тинтогийн талд байнга зогсдог, өмнө нь газрын тосны хуулийг өөрчлөх гэхэд мөн гадаадынханы эрх ашгийг хамгаалсан, улаан хамгаалагч" хэмээн шүүмжилжээ.

Хариуд нь Ц.Нямдорж сайд "Хөдөөний чи юугаа мэддэг юм" хэмээн хэгжүүрхжээ. Хоёр гишүүний маргаан ширүүсч хэрүүл болсноор Х.Болорчулуун уурлаж, Ц.Нямдорж сайдын хоолойг нь боож түлхсэн байна. Заамдалцааныг бүлгийн гишүүд таслан зогсоожээ. Энэ мэдээллийг бүлгийн хуралд суусан гишүүд үгүйсгэсэнгүй. УИХ-ын гишүүн Х. Болорчулуун өөрийн нүүр хуудсандаа ийм тайлбар бичсэний эзэн нь Ц.Нямдорж байжээ. 

Баасанжавын Отгон-н зураг.

Сэтгүүлч Б.Отгон 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.