БНХАУ-ын Батлан хамгаалах яам техникийн тусламж үзүүлнэ

Twitter Print
2019 оны 10-р сар 21-нд 14:49 цагт
Мэдээний зураг,

Батлан хамгаалахын сайд Н.Энхболд БНХАУ-ын Батлан хамгаалахын сайд Вэй Фөнхөгийн урилгаар тус улсад ажлын айлчлал хийж, албан ёсны хоёр талын уулзалт хэлэлцээ хийлээ.

Хэлэлцээний дараа хоёр орны сайд нар Монгол Улсад цэрэг техникийн хамтын ажиллагааны хүрээнд тусламж үзүүлэх проткол, хэлэлцээрт гарын үсэг зурлаа. Мөн айлчлалын хүрээнд БНХАУ-ын Ухань хотод болж буй Цэргийн спортын долдугаар их наадмын нээлтийн ажиллагаанд оролцов. БНХАУ-ын дарга Ши Жиньпин нээлтийн ажиллагаанд оролцсон гадаадын Батлан хамгаалахын сайд, Зэвсэгт хүчний Жанжин штабын дарга нарыг хүлээн авч уулзсан юм. 

Батлан хамгаалахын сайд Н.Энхболд айлчлалынхаа хүрээнд Бээжин хотод зохион байгуулж буй Шяншаний Батлан хамгаалах, аюулгүй байдлын форумд оролцож, зарим орны сайд нартай уулзалт хийнэ. Батлан хамгаалахын сайдын ажлын айлчлал үргэлжилж байна гэж БХЯ-наас мэдээлэв. 

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.