С.Амарсайхан: Арьс ширний үйлдвэрүүдийг Дархан руу нүүлгэнэ

Twitter Print
2020 оны 05-р сар 25-нд 15:52 цагт
Мэдээний зураг,

Нийслэлийн Засаг дарга бөгөөд Улаанбаатар хотын захирагч С.Амарсайхан цаг үеийн асуудлаар мэдээлэл хийлээ. 

Тэрбээр "Нийслэлийн 173 хороонд ариутгал хийж буй ба хөрсний ус хуримтлагдсан газруудыг цэгцэлж байна. Нийт 1 сая 510 мянган м/кв талбайг цэвэрлэж ариутгаж байна. Энэ ажлуудыг цаашлаад тогтмол хийдэг болно. Ариутгаагүй газар байвал та бүхэн хотын холбогдох байгууллагуудад мэдэгдээрэй. 

Өнөөдрийн байдлаар нийт 13220 аж ахуйн нэгж байгууллага дотор орчны халдваргүйжүүлэлт хийсэн, хийж буй. Мөн зорчигчдын хөдөлгөөнд хяналт тавьж, мэдээллийн сан бий болгож байна. Нийслэл хот руу орж гарч буй бүх автомашины мэдээлэл бүртгэгдэж буй. Өнгөрсөн долоо хоногт Нийслэлд 11 гал түймрийн осол гарсан. Тухайлбал хар тос, хөөсөнцөр, хар цаас, хар лак зэрэг зүйлс шатсан осол болсон. Уг галын шалтгааныг тогтоохоор ажиллаж буй. 

Цаашид хэн ч дуртай нь хаа дуртай газраа хашаа барихгүй

Нийслэлийн 9 дүүрэгт зөвшөөрөлгүй баригдсан бүх хашаа хороог цэгцлэх ажил хийж байна. Өнөөдрийн байдлаар 42 аж ахуй нэгжийн хашаа хороог өөрчлөх, буулгах ажил хийж буй ба үүнд аж ахуй нэгжүүд идэвхтэй оролцож байна. Энэ аж ахуй нэгж, иргэдэд талархал илэрхийлье. Өнгөрсөн хугацаанд 12 ААН-ийн хашааг албадан буулгасан. Олон жил болж буй барилгын нүхнүүдийг нөхөж бөглөж байна. Цаашид хэн ч дуртай нь хаа дуртай газраа хашаа барихгүй. Хэрвээ хуулийн дагуу газар эзэмшиж буй бол нийслэлээс баталсан стандартын дагуу хашаа хороо, барилгаа барина. Зөвхөн аж ахуйн нэгж гэлтгүй айл өрхүүд ч үүнд хамаатай. 

Ахмадын хорооны газар хэмээх Блью Скай зочид буудлын зүүн талд ухаад хаячихсан газар бий. Тэр газрыг цуцалж ахмадын эсвэл ээжүүд, эхчүүдийн нэрэмжит талбай болгоно. Зураг төсөл гаргачихсан. Та бүхэн бас өөрсдийн ойр орчимд буй балгас, ашиглахгүй орхисон газар байвал checkmyservice аппаар гомдлоо өгч болно. Зургаадугаар сард багтаж түргэн тусламжийн 60 автомашин оруулж ирнэ. Нийслэлийн цагдаагийн газарт 77 автомашин авч өгнө. Коронавирусийн нөхцөл байдал намрын турш үргэлжлэх нь тодорхой байгаа тул дасан зохицох замаар хэвийн ажлаа үргэлжлүүлэх хэрэгтэй. Автобусны буудлуудыг битүү байдлаар хийхээр төлөвлөж байна.

Арьс ширний үйлдвэрүүдийг Дархан-Уул аймаг руу ирэх жилээс нүүлгэхээр төлөвлөсөн

Арьс ширний үйлдвэрүүдийг Дархан-Уул аймаг руу ирэх жилээс нүүлгэхээр төлөвлөсөн. "Харгиа" цэвэрлэх байгууламжийг шинэчилнэ. "100 айл"-ын үйлдвэр үйлчилгээний газруудыг Налайхад 120 га газарт байгуулахаар ажил эрчимтэй явж байна. 4.6 км даацын зам тавигдсан. Цахилгаан эрчим хүчний дэд станц нь баригдаад дуусаж буй. Цэвэрлэх байгууламжийн асуудлыг удахгүй шийднэ. Эхнээсээ зарим үйлдвэр үйлчилгээ нүүгээд, ажиллаад эхэлсэн. Ирэх хавар гэхэд "100 айл"-ыг бүрэн хэмжээгээр нүүлгээд дуусах байх. Түгжрэл үүсгэдэг, зохион байгуулалтгүй газрууд, "Нарантуул" зах, барилгын захууд нүүх ёстой. Гэхдээ энэ нь бизнесүүдээ ад үзэж буй хэрэг биш" гэв. 

Г.Ганаа

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • хуцна биз

      (202.179.25.161) 2019-11-07 14:16
      • 0
      • 0

      Элбэгдоржийг тэгээд яагаад барьдаггүй юм хэхэхэ

      Хариулах

    • zochin

      (66.181.179.97) 2019-11-07 11:12
      • 0
      • 0

      hudlaa nuuts bichsen geologi hen be nerii n bicheech

      Хариулах