Морин хуурын чуулгын ардын хөгжимд зориулсан концертууд эгшиглэнэ

Twitter Print
2015 оны 03-р сар 10-нд 11:47 цагт
Мэдээний зураг,

Монгол улсын Филармониос санаачлан хэрэгжүүлж буй “МОНГОЛ УРАН БҮТЭЭЛ” зорилтот төслийн концертууд амжилттай туурвигдаж үзэгчдийн хүлээлттэй тоглолтуудын нэг болоод байгаа билээ. Уг тоглолтуудад Монголын үе үеийн хөгжмийн зохиолчдын шилдэг бүтээлүүдийг симфони найрал хөгжим, морин хуурын чуулга, баянмонгол джаз найрал хөгжим өөр өөрийн хөгжмийн жанраар хөрвүүлэн найруулж тайзнаа эгшиглүүлэн байгаа нь нэг талаар хөгжмийн зохиолчдоо хүндэтгэн алдаршуулж буй үйл ажиллагаа болж байгаа юм.

Төсөлд туурвигдаж буй уран бүтээлүүдийн нэг болох Морин хуурын чуулгын “Ардын хөгжимд зориулсан концертууд” тоглолтоо үзэгч олондоо өргөн барихаар бэлтгэл ажил эхлээд  байна.

Концертонд ТХШ, АЖ Н.Жанцанноров, ТШ З.Хангал, ТС, УГЗ Ц.Нацагдорж, хөгжмийн зохиолч Б.Мөнхболд нарын ардын хөгжимд зориулан бичсэн уран бүтээлүүд эгшиглэх ба  тоглолтыг морин хуурын чуулгын удирдаач Д.Түвшинсайхан/СТА/-ны удирдлага дор тоглогдох бөгөөд ТХШ,АЖ Н.Жанцанноров тайлбарлан хөтөлж үзэгчдийн хүртээл болгоно.

Тоглолт 2015 оны 03-р сарын 19-ний 19:00 цагт Улсын филармонийн танхимд ганцхан удаа болно. Тасалбарыг улсын Филармонийн кассаар болон 1900-1617 үнэгүй хүргэж өгөхөөс гадна 7011-8012, 7014-8012 утсаар холбогдон дэлгэрэнгүй мэдээллийг авах боломжтой юм.

www.mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.