Д.Трамп Хонгконгийн иргэний хөдөлгөөнийхнийг дэмжсэн хуулийн төслийг баталлаа

Twitter Print
2019 оны 11-р сар 28-нд 09:53 цагт
Мэдээний зураг,

АНУ-ын Ерөнхийлөгч Доналд Трамп Хонгконгийн ардчилсан иргэний хөдөлгөөнийхнийг дэмжсэн хуулийн төсөлд гарын үсэг зуржээ.

Өнгөрсөн 6-р сарын эхээр өргөн барьсан Хүний эрх, Ардчиллын тухай тус хууль нь АНУ-ын Конгрессийн Төлөөлөгчдийн танхимын дэмжлэгийг хүртсэн юм. Уг хуулийн төсөлд, "Хонгконг нь Хятадын нэг хэсэг мөн хэдий ч Хятадаас тусдаа хууль эрх зүй болон эдийн засгийн тогтолцоотой. Хятад улс нь Хонгконгийн Үндсэн хуулиар хамгаалагдсан Хонгконгийн иргэний эрх, эрх чөлөөг зөрчиж байгаа эсэхэд АНУ-ын зүгээс жил бүр үнэлгээ дүгнэлт хийнэ." гэжээ.

Түүнчлэн АНУ-ын талаас Хонгконгийн худалдааны онцгой статусыг бататгах үүднээс Хонгконгийн тусгай захиргааны бүсийн автономит байдалд тогтмол хяналт тавих гэнэ. Хонгконг худалдааны онцгой статустай хэвээр үлдсэнээр АНУ-ын зүгээс Хятадад тавьсан хориг арга хэмжээ болон нэмэлт татварт өртөхгүй ба Хонгконгийн иргэний хөдөлгөөний жагсаал цуглааны үеэр баривчлагдаж байсныг үл харгалзан Хонгконгийн иргэдэд АНУ-ын визийг олгох аж.

Trump signs Hong Kong human rights act as China blasts 'plainly bullying behavior' зурган илэрцүүд

Хонгконгийн засгийн газар уг хуулийн төсөл нь хонгконгчуудад буруу ойлголт төрүүлж, Хонгконг дахь нөхцөл байдлыг тогтворжуулахад ямар ч дэмжлэг болж өгч чадахгүй хэмээн мэдэгдсэн бол Америкийн эрх баригчдын баталсан хуулийн төсөл Бээжингийн бухимдлыг төрүүлээд байна. Хятадын төрийн өмчит хэвлэл мэдээллээр уг хуулийн төсөл нь "ямар ч хэрэггүй бөгөөд үндэслэлгүй ба Хятад-Америкийн харилцаанд сэв суулгана" гэдгийг онцолжээ.

АНУ-ын Ерөнхийлөгч Доналд Трамп Хүний эрх, Ардчиллын тухай хуулиас гадна Хонгконгийн цагдаагийн байгууллагад нулимс асгаруулагч хий, резинэн сум, цахилгаан бороохой зэргийг экспортлохыг хориглох тухай хуулийн төсөлд гарын үсгээ зурсан аж. 

Эх сурвалж: CNN

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.