Профессор С.Долгор Японы Эзэн хааны одон хүртлээ

Twitter Print
2013 оны 12-р сар 10-нд 08:50 цагт
Мэдээний зураг,

МУИС-ийн профессор, япон хэлний багш С.Долгорт Японы Эзэн хааны “Мандах нар” одонгийн “Тууз бүхий Алтантуяа” зэрэглэлийн одонг хүртээжээ.

Уг шагналыг өчигдөр тус улсаас Монгол Улсад суух Онц бөгөөд Бүрэн эрхт Элчин сайд Такэнори Шимизү гардууллаа. Энэ одонг Монголоос авч буй найм дахь хүн нь С.Долгор багш юм байна. Тэрбээр 1970-аад оны үед япон хэл сурсан анхны оюутны нэг бөгөөд 36 жил япон хэлний багшаар ажиллажээ.

Мөн япон хэлний олон сурах бичиг, сургалтын материал зохиож, хянан тохиолдуулснаас гадна “Кагүяа гүнж”, “Аалзны шүлс” зэрэг Японы уран зохиолыг орчуулан Монголын уншигчдад хүргэж, япон хэлний багш нарыг бэлтгэж ирснийг өндрөөр үнэлэн эл одонгоор шагнасан байна.

Өмнө нь Японы Эзэн хааны төрийн дээд шагналын нэг “Мандах нар” одонгийн “Сарнай цэцэг бүхий Алтантуяа” зэрэглэлийн одонг Монгол Улсын Ардын жүжигчин, Төрийн хошой соёрхолт, хөгжмийн зохиолч Н.Жанцанноров, “Сүр жавхлант тууз” зэрэглэлийн одонг Монгол Улсын Ерөнхий сайд асан Д.Содном гуай зэрэг хүмүүс авч байжээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.