Сайжруулсан түлштэй холбоотой гомдлыг 70173213 утсаар авч байна

Twitter Print
2019 оны 11-р сар 30-нд 11:45 цагт
Мэдээний зураг,

Монгол Улсын Засгийн газрын 62 дугаар тогтоол, Нийслэлийн Засаг даргын 2019 оны “Өндөржүүлсэн бэлэн байдлын зэрэгт шилжүүлэх тухай” захирамж, Сонгинохайрхан дүүргийн Засаг даргын А/556 дугаар захирамжийн хэрэгжилтийг хангах чиглэлээр Сонгинохайрхан дүүргийн хэмжээнд 24 цагийн шуурхай ажлын штаб ажиллаж эхэлжээ.

Уг шуурхай ажлын штаб нь 7017-3213 дугаарын утсаар иргэдээс гомдол санал хүлээн авч буй бөгөөд аравдугаар сарын 23-наас ажиллаж эхэлжээ. Иргэдээс "Тавантолгой түлш" компанийн сайжруулсан түлштэй холбоотой гомдол санал хүлээн авч буй юм байна. Тодруулбал, уг түлшийг хэрэглэх үеэр угаартсан, зуух нь дэлбэрсэн зэрэг ослын чанартай дуудлага хүлээн авах аж. Өнөөдрийн тухайд нэг иргэнээс сайжруулсан түлш түлж угаартсан гэх гомдол ирсэн ч тухайн иргэн нь эмнэлгийн байгууллагын үзлэгээр угаартаагүй нь тогтоогджээ.

Онцолход, Сонгинохайрхан дүүрэг нь 320 мянган хүн амтай бөгөөд 70 хувийг нь гэр хороолол эзэлдэг юм.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.