Туркийн Ерөнхийлөгч ард иргэддээ Францын бараа бүтээгдэхүүнийг худалдаж авахгүй байхыг уриаллаа

Twitter Print
2020 оны 10-р сар 27-нд 12:19 цагт
Мэдээний зураг,

Туркийн Ерөнхийлөгч Режеп Таийп Эрдоган ард иргэддээ хандан Францад үйлдвэрлэсэн бараа бүтээгдэхүүнүүдийг худалдаж авахгүй байхыг уриалжээ.

Тэрээр, "Францад Туркийн бараа бүтээгдэхүүнүүдийг худалдаж авахгүй байхыг уриалж байгаатай адил би ард иргэддээ хандан Францад үйлдвэрлэсэн бараа бүтээгдэхүүнүүдийг ямар ч тохиолдолд битгий аваарай гэж уриалмаар байна." гэжээ. Түүнчлэн тэрээр Франц улсыг "нацист үзлийн нэг хэсэг", Францын төрийн эрхийг жолоодож байгаа хүн нь лалын шашинтай иргэд рүү халдах явдлыг хөхиүлэн дэмжиж байна хэмээн онцолжээ.

Туркийн Ерөнхийлөгч Режеп Таийп Эрдоган Францын Ерөнхийлөгч Эммануэль Макрон хийсэн мэдэгдлээрээ Туркийн Үндэсний аюулгүй байдалд заналхийлсэн хэмээн үзэж байгаа аж. Өнгөрсөн даваа гарагт Францын Ерөнхийлөгч Эммануэль Макрон Ойрх Дорнодын зарим улс орнуудад Францад үйлдвэрлэсэн бараа бүтээгдэхүүнүүдийг худалдаж авахгүй байхыг уриалж, Франц-Туркийн харилцаа хурцдаж буйтай холбоотойгоор хийсэн мэдэгдэлдээ лалын шашинтай орнуудаас ирж буй шүүмжлэлийг үл харгалзан Франц улсын төрийн бодлого өөрчлөгдөхгүй гэдгийг онцолсон юм.

Туркийн Ерөнхийлөгч Режеп Таийп Эрдоганы зүгээс Францын Ерөнхийлөгч Эммануэль Макроныг сэтгэцээ шалгуулахыг зөвлөсөн ба үүнтэй холбоотойгоор Франц улс Анкарад суугаа элчин сайдаа эгүүлэн татсан бол Европын холбооны Гадаад харилцаа, аюулгүй байдлын бодлого хариуцсан дарга Жозеп Боррель Туркийн Ерөнхийлөгчийг асуудлыг хурцатгахгүй байхыг хүссэн байна.

Эх сурвалж: Iz.ru

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.