Сайд асан З.Баянсэлэнгийг дараагийн шүүх хурал болтол цагдан хорино

Twitter Print
2019 оны 10-р сар 22-нд 11:04 цагт
Мэдээний зураг,

Өчигдөр Сонгинохайрхан дүүргийн Эрүүгийн хэргийн анхан шатны шүүхэд Барилга хот байгуулалтын сайд асан З.Баянсэлэнгэ, М.Болортуяа нарт холбогдох хэргийн шүүх хурал болох байсан ч ирэх сарын 28-ныг хүртэл хойшлуулсан. Хойшлуулах болсон шалтгаан нь З.Баянсэлэнгэ шүүх бүрэлдэхүүнээс татгалзсан юм.

Тэгвэл З.Баянсэлэнгийг шүүх хуралдаанд саад учруулсан үндэслэлээр цагдан хорих 461 дүгээр анги руу авч явжээ. Эх сурвалжийн мэдээлж буйгаар түүнийг дараагийн шүүх хурал хүртэл буюу нэг сарын гаруйн хугацаанд таслан сэргийлэхээр болсон байна. 

Түүнийг нийслэлийн прокурорын газраас 2002 оны Эрүүгийн хуулийн тусгай ангийн 263.2 дахь хэсэгт зааснаар албаны эрх мэдэл буюу албан тушаалын байдлаа урвуулан ашигласан хэргээр шүүж буй юм. З.Баянсэлэнгэ нь  Барилга, хот байгуулалтын сайдаар ажиллаж байхдаа албан тушаалын байдлаа урвуулан ашиглаж "Бэрэн групп" ХХК-ийн барьсан "Хангай" хотхоны орон сууцнаас 123 айлын орон сууцыг тендер зарлалгүйгээр худалдан авч, улсын төсөвт 972.4 сая төгрөгийн хохирол учруулсан байж болзошгүй юм.Анхан шатны болон давж заалдах шатны шүүхээс түүнд төрийн албанд ажиллах эрхийг нь гурван жилийн хугацаагаар хасч, улсад учруулсан хохирол болох 900 гаруй сая төгрөгийг төлүүлэх шийдвэр гаргасан байдаг. Харин Дээд шүүхээс хэргийг мөрдөн байцаалтад буцаасан.

Г.Ганаа 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.