Хүүхдээ монгол ёсоор хүмүүжүүлье

Twitter Print
2018 оны 02-р сар 07-нд 13:59 цагт
Мэдээний зураг,

“Аяга тавгаа өрж хонуулвал өрөнд орно!” гэж биднийг бага байхад ээж аав минь сургадаг байсан билээ. Ухаант ардын минь эртнээс мөрдөж уламжилж ирсэн энэ мэт хорио цээр нь зүгээр ч нэг мухар сүсэг төдий байсангүй.

Харин хүүхдэд багаас нь “болох”, “болохгүй”-г мэдүүлэх, тэднийг осол гэмтлээс сэргийлэх, хүмүүс болон эд зүйлс, байгальтай зөв харьцахад сургах санаа зорилгыг чамгүй агуулсан байдаг ажээ. Монголчуудын хүүхдээ хүмүүжүүлэхдээ мөрддөг байсан ёс заншлаас энд заримыг дурдлаа.

1. Зан төлөв, харилцаа

• Худал хэлдэггүй

• Хүмүүсийн хооронд хов зөөдөггүй

• Ахмад хүний дээд талд суудаггүй

• Аав, ахынхаа дэргэд завилж суудаггүй

• Хүний өмнүүр орж ярьдаггүй

• Зочны өмнүүр гүйдэггүй

• Хүний юмыг зөвшөөрөлгүй авдаггүй

• Хүний толгой, малгайд хүрдэггүй

• Хүн рүү хуруугаараа зангаж ярьдаггүй

• Ахмад настны мөрөн дээр гараа тавьддаггүй

2. Эмх цэгц

• Аяга, тавгаа өрж хонуулдаггүй (өрөнд орно)

• Цүнхний амыг онгорхой орхидоггүй (гарз гарна)

• Ороо засалгүй орхидоггүй (ажил бүтэхгүй)

• Авдрын тагийг онгорхой орхидоггүй (гарз гарна)

• Халбагаа аягандаа хийж тавьдаггүй (ажил үйл үл бүтнэ)

3. Хооллолт

• Цайгаа дутуу ууж үлдээдэггүй (амны хишгээ үлдээнэ)

• Зогсоогоор цай уудаггүй (ажил бүтдэггүй)

• Хэвтэж хоол иддэггүй (өвчин тусна)

• Буруу харж сууж хоол иддэггүй

• Цагаан будаа асгадаггүй (өрөнд орно)

4. Эрүүл ахуй

• Хуруугаа хөхдөггүй (ээж нь үхнэ)

• Самандаа сэвээ үлдээдэггүй (ажил бүтэхгүй)

• Зуухны үүдэнд хогтой хонодоггүй

• Үснийхээ үзүүрийг амандаа хийдэггүй (эмэгтэй хүн зовно)

• Орой усанд явдаггүй

• Эмэгтэй хүн завилж суудаггүй

• Хөлийнхөө улыг нийлүүлдэггүй (муудалцана)

• Амаараа тургидаггүй (бороо орно)

5. Эд юмстай харьцах

• Босгон дээр гишгэдэггүй (гарз дуудна)

• Хаалга савдаггүй (муу ёр)

• Хаалга алдалдаггүй (олзны үүдийг хаана)

• Тотгоноос зүүгддэггүй

• Хана дөрөөлдөггүй (муу ёр зөгнөнө)

• Багана түшдэггүй (баганы зовлонг үүрнэ)

• Давс асгадаггүй (гай тохиолдоно)

• Аягыг хооронд нь харшуулдаггүй (хэрүүл ирнэ)

• Ширээн дээр суудаггүй (өрөнд орно)

• Угаасан хувцсаа гадаа хонуулдаггүй (муу юм шүгэлнэ)

• Энгэрээ зуудаггүй (ээж нь үхнэ)

• Малгайгаа буруу харуулж өмсдөггүй (нас барсан хүн дээр ингэж орно)

• Уурган дээгүүр гишгэдэггүй

6. Осол гэмтлээс сэргийлэх

• Хайчны ам ангайлгаж тавьдаггүй (гарз гарна)

• Бороо ороход хаалга голлож суудаггүй (аянганд цохиулна)

• Тулга тойрч гүйж, харайдаггүй

• Харанхуй шөнө, харуй бүрийгээр үс, хумс авдаггүй

• Галаар тоглодоггүй

• Хутга мэсний ирийг дээш нь харуулж тавьдаггүй

• Хайч, хутганы үзүүрийг хүн рүү харуулдаггүй

• Унинаас зүүгддэггүй

• Чихээ төмрөөр ухдаггүй (буян барагдана)

7. Байгальтай харьцах

• Амьтан, хорхой шавж алдаггүй (нүгэл болно)

• Газар шороо хөндөж сүйтгэдэггүй (эзэн савдаг хэлэгнэнэ)

• Усанд өнгөтэй юм /сүү цагаа, цус/ оруулдаггүй (бохирдоно)

• Галд хог, хувцас, хоол, ундны үлдэгдэл хийдэггүй (гал бохирдоно)

• Гал руу сонгины хальс хийдэггүй (малын нүд өвдөнө)

• Булгийн эхэн дээр гэрээ барьдаггүй (лус хилэгнэнэ)

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (103.26.195.55) 2018-02-09 12:28
      • 0
      • 0

      Aav eej bagsh nar ni ehleed oorsdoo ene yumnuudaa surch baij huuhduud ted naraas surna shte. Huntei mendelj suraagui, naad zahiin hariltsaanii bolon zamiin hodolgoonii soyol meddeggui buduuleg bagsh aav eejees ted naraas doloon dor irgen l torno shuu dee!

      Хариулах

    • Tsetseg

      (176.59.140.191) 2016-10-09 11:01
      • 0
      • 1

      Saihan vnen zøv zuvluluguu bna

      Хариулах

    • Cassie

      (188.143.232.27) 2016-05-06 09:07
      • 0
      • 0

      Got it! Thanks a lot again for hepnlig me out!

      Хариулах

    • zereg

      (103.26.195.23) 2015-07-11 17:43
      • 0
      • 0

      elbegdorjid hel

      Хариулах