Энэ сард таныг юу хүлээж байна вэ?

Twitter Print
2015 оны 02-р сар 02-нд 09:00 цагт
Мэдээний зураг,

Морин жилийн адаг, хонин жилийн эхэн болсон хоёрдугаар сар гарлаа. Энэ сард таныг юу хүлээж байгааг дорнын зурхайгаас уншаарай. 

Хулгана жилтэн

Энэ жил хулгана жилтнүүдийн жилийн төөрөг төлөв бадрангуй байна. Цагаан сарын үеэр азын од гийж, хаврыг баяр жаргалтай угтах их өлзий бүрдэнэ. Ажил үйлс өөдрөг бүтэмжтэй байх төдийгүй эрхэм хүмүүний тус дэмийг авснаар оруулсан хүч нь бага ч, олсон амжилт нь их байх болно. Тиймээс энэ үед тавьсан зорилгодоо хүрэхийн тулд бүхий л сэтгэл оюунаа дайчлан чармайх нь зүйтэй. Зорилгодоо хүрээгүй цагт амсхийн зогсохыг цээрлэгтүн. Түүнчлэн, олсон амжилтаа эвдэхгүйн тулд олон санаа бүү гарга. Хоёр туулай хеесөн хүн хоосон хоцордог үлгэрийг санаарай. Эдийн бурхан баясан тэтгэж, байнгын болоод азын бизнесийн аль алинаас чамлахааргүй ашиг хүртэх тул шинэ бизнест хүчээ сориход татгалэах хэрэг юун. Эрүүл мэнд тун сайн, бие сэтгэл амирлан жаргана. Гэвч cap шинийн баяраар хоолны дэглэм барьж, архи дарсанд хэт хорхойсох хэрэггүй. Учир нь үүнээс болж, эрүүл мэнддээ хохирол учруулж болзошгүй байна. Хайр дурлалын амьдрал баялаг, эсрэг хүйсийн хүмүүнтэй учран дотносож, хайрын гал бадраах нь хялбар байх бөлгөө. 

Үхэр жилтэн

Үхэр жилтнүүдийн аз хийморь дорой байх нь. Цагаан сарын энэ үеэр ч сайнгүй байх тул хэсэг хугацаанд довтлох бус, хориглон сууж, бодит хүчээ хадгалах нь зохистой. Ажлын явц удаашрах боловч цаг нь хараахан болоогүй байх тул хэт яаравчлах хэрэггүй. Түргэлбэл түүхийрнэ гэдэг. Гэхдээ энэ үед анхаарах хамгийн гол зүйл бол санхүүгийн асуудал. Мөнгөний зохицуулалтанд хяналттай л байхгүй бол эд баялаг их хэмжээгээр гадагш урсаж, орлого тань зарлагаа нөхөж чадалгүй байсаар эцэстээ санхүүгийн хямралд орж болзошгүй байна. Энэ жил эрүүл мэнд сайнгүй, өвчлөмтгий байх тул үхэр жилтнүүд жилийн эхээр өөртөө анхаарал тавьж, биеийнхээ эсэргүүцлийг сайжруулах хэрэгтэй. Энэ сард сэтгэл санаа эл хуль оргиж, эсрэг хүйсийн хүмүүнтэй учран, хайрын холбоо тогтооход бэрх, унах цэцгэнд санаа байвч, урсах усанд сэтгэл үгүй байх бололтой.

Бар жилтэн

Бар жилтнүүдийн төөрөг төлөв ерөнхийдөө тааруухан, цагаан сарын үеэр ч нэг их өөдлөхгүй нь бололтой. Өмнөх ирээдүй бүрхэг балархай, ээдрээ төвөгтэй байх тул хэсэг хугацаанд довтлох бус, хориглон сууж, морины хөл бүдрэн унахаас сэргийлэн, далайцтай алхам хийхгүй байсан нь дээр. Ажил дээр хүмүүсийн хэл ам, хэрүүл тэмцэл даамжирна. Тиймээс энэ үед байдлыг даган өөрчлөгдөх нь хамгаас чухал. Өрсөлдегчийнхөө арга залинд автагдаж хэрхэвч болохгүй, Эс бөгөөс хийсэн бүхэн тань талаар өнгөрч, хожмын уршиг нь хязгааргүй болох бөлгөө. Санхүүгийн байдал тааруухан байх ч цагаан сарын үеэр бол багахан ашиг олсон ч баясан хүртэх хэрэгтэй. Харин мөрийтэй тоглоомонд хорхойсох хэрэггүй. Эрүүл мэнд боломжийн байх ч орой үдэш салхинд гарангаа даарч хөрөн, ханиад томуу тусахаас сэргийлэн дулаахан хувцаслаарай. Хайр сэтгэлд онож алдах нь зэрэгцэх тул хүлээцтэй байгтун. Хайр дурлалын асуудлаар хэт хөөцөлдөн, өөрийн хийгээд өрөөлийн цаг завыг бүү гарзад.

Туулай жилтэн

Туулай Харин цагаан сарын үеэр төлөв байдал сайн байх бөгөөд ажил төрөлд ахицтай байж, санасан бүхэн сэтгэлчлэн бүтнэ. Гэвч энэ үед олсон өчүүхэн амжилтандаа эрдэн, хэт яарч догдлох хэрэггүй, Дэмий л нөөц хүчээ барж, улмаар ялагдахад хүрнэ. Харин үүний оронд тогтвортой байдлаас ялалтанд хүрч чадваас уулын оргил мэт үргэлж сүндэрлэх болно. Эд баялагийн эзэн тэнгэр баясаж, хөрөнгө оруулалтаас ашиг олно. Түүнчлэн аз сорьсон бизнесээс ч ашиг олж болохоор байна. Гэвч шунал хүсэлдээ хэт хөтлөгдөх хэрэггүй. Эрүүл мэндийн талаар санаа зовоох онцын зүйлгүй ч, амаар дамжин өвчин олохоос сэрэмжлүүштэй. Энэ сард хүмүүний төөрөг сайн байх боловч хайр сэтгэлийн тухайд үр жимсийг нь хүртэхэд амаргүй байх бөлгөө.

Луу жилтэн

Энэ жилийн ерөнхий төлөв луу жилтнүүдэд их аз, их ашгийг амлаж байгаа ч, хаврын эхэн сард таатай хөрс нь хараахан бүрэлдэж гүйцээгүй байх тул ирээдүйн боломжоо хаах гээгүй л бол хэсэг хугацаанд далайцтай алхам хийлгүй хүлээзнэсэн нь дээр байх бололтой. Ажил хэргийн ахиц дэвшил хуурамч байх төдийгүй өөдгүй нэгэн саад тотгор учруулах тул анхаарал болгоомжтой байгтун. Энэ үед анхаарах гол зүйл бол тайван хүлээцтэй байж, бодит хүчээ нөөцлөх явдал. Тэгж байж, дайснаа дарж, дархан цолоо мандуулж чадна. Санхүүгийн байдал тогтворгүй байх нь томоохон хөрөнгө оруулах хийгээд мөрийтэй тоглоход тохиромжгүй байна. Хавар цагийн гайхамшигт учрал тохиож, сэтгэл хөдөлгөм эсрэг хүйсийн хүмүүнтэй учрах боловч ханьсахын хувь дутах бололтой. Ходоод гэдэс хямарч болзошгүй тул цагаан сарын үеэр хоолны дэглэм барьж, хоол ундаа хэтрүүлэн хэрэглэхийг цээрлэгтүн.

Могой жилтэн

Энэ жил могой жилтнүүд шулуун дардан замаар явахгүй нь бололтой. Цагаан сарын үеэр харш одод олноор хурснаар үүл манан өтгөрөн тунарч өмнөх ирээдүйн гэрэл гэгээг бүдгэрүүлнэ. Ажил бизнесийн талбарт гадна дотрын дайралтад зэрэг өртөх бөгөөд дотроос өчүүхэн хүмүүс өдөөн турхирч, саад тотгор учруулах бол гаднаас хүчирхэг дайсан хүрээлж, тал талаас бүслэх ажгуу. Гэвч энэ үед эрс дайралт хийх нь яавч зохистой алхам биш байна. Харин хэсэг хугацаанд эрдэм чадлаа илрүүлэлгүй байж, боломжит үеийг тэвчээртэйгээр хүлээвээс явах зам аяндаа тодрох болно. Эс бөгөөс тэсвэр алдсан өчүүхэн үйлдэл тань их хэргийг будлиантуулахад хүргэнэ. Эдийн тэнгэр үл таалах тул байнгын болоод азын бизнесийн аль алинд болгоомжтой хандаж, шунал хүслийг тэвчигтүн. Энэ сард сэтгэл санаа эзгүйрэн, эсрэг хүйсийн хүмүүнтэй учран дотносож, хайрын балыг амтлахуй бэрх байх тул дэмий мөрөөдөх хэрэггүй л болов уу. Эрүүл мэнд боломжийн байна. Гэвч ядартлаа ажиллах хэрэггүй.

Морь жилтэн

Энэ жил морь жилтнүүдийн төөрөг төлөвт аз эз холилдон оршино. Энэ сард хаврын урь хараахан ороогүй, эрдэм чадлаа үзүүлэхэд арай л эрт байх тул далайцтай алхам хийхээ түр азнах хэрэгтэй. Ажил төрлөө амжуулах гэж борви бохисхийх завгүй ажиллан, ажлын ачаалалд эрс дарагдах төдийгүй хүмүүсийн хэл ам, хэрүүл тэмцэл хэрээс хэтэрнэ. Гэвч энэ үед хүлээцтэй байх нь туйлын чухал. Хүмүүстэй үзэл бодол нийлэхгүй, эсвэл бусдын шүүмжлэлд өртөөд байвал бурууг эхлээд өөрөөсөө хай. Түүнчлэн, шаардлагатай нөхцөлд бусдын үгийг сонсож сурах хэрэгтэй. Энэ сард санхүүгийн байдал сайнгүй байх тул орлогоо нэмэгдүүлж, зарлагаа хэмнэхэд анхааранмөнгө санхүүгээ зарцуулаарай. Эрүүл мэндийн байдал сайнгүй, өвчлөмтгий байх тул хүнсний эрүүл ахуйг чандлан сахигтун. Хайрын адал явдалд умбаж, эсрэг хүйсийн хүмүүнтэй учран дотносох нь хялбар байх боловч хэт дураараа аашлах хэрэггүй.

Хонь жилтэн

Энэ жил хонь жилтнүүдийн ерөнхий төөрөг төлөв их аз, их ашгийг амлаж байна. Цагаан сарын энэ үед азын одод хуран чуулалдсанаар хаврын салхи урьхнаар илбэж, бие сэтгэл амирлан жаргана. Энэ сард бүтээлч санаа онцгой арвин байх төдийгүй эрхэм хүмүүний тус дэмийг авснаар бизнесийн явц тун ч урагштай байх бөлгөө. Гэхдээ энэ үед биеэ тоон сагсуурч, бусдыг үл тоомсорлож хэрхэвч болохгүй. Нөхөд урван, садан холдож мэднэ. Харин үүний оронд хүмүүстэй санаа бодлоо хуваалцаж, тогтвортой байдлаас ялалтанд хүрнэ. Бүгдээр хэлэлцвэл буруугүй, бүлээн усаар угаавал хиргүй гэдэг. Эдийн тэнгэр тэтгэж, байнгын бизнесийн орлого арвижин, шинэ хөрөнгө оруулалтаас тооцоолсон ашгаа хүртэнэ. Түүнчлэн, өчүүхэн хөрөнгө оруулалтаас ч санаандгүй орлого орох болно. Энэ сард эсрэг хүйсийн хүмүүнтэй учран хайрын гал бадраахуй хялбар байх тул эрхэм мөчийг нандигнан хайрлаж, хайрын бяцхан нахиагаа тэтгэн ургуулаарай. Эрүүл мэнд тун сайн. Харин cap шинийн баярын үер архи дарс, зугаа цэнгэлээс болж, биедээ шарх авахаас болгоомжлууштай.

Бич жилтэн

Энэ жил бичин жилтнүүдийн ерөнхий төлөв тааруухан, бүр дээрдэх ч янзгүй байна. Цагаан сарын үеэр ажил бизнесийн ирээдүй бүрхэн бүүдийж, өөрчлөлт хувирал ихсэх тул хэрэг явдал бүтэлгүйтэхэд хүрч болзошгүй. Иймд анхаарал болгоомжтой байж, бүхий л хүчин чадлаа дайчлан ажилла. Ер нь энэ уед ажил төрлөө зохицуулахад бүхий л сэтгэл зүрхээ зориулах нь хамгийн чухал. Түүнчлэн, өөдгүй муусайн хүмүүсээс болгоомжилж, аль болохоор төлөв даруу байхыг хичээгтүн. Өстөн дайсан өөртөө бэлтгэх хэрэггүй. Санхүүгийн байдал хуурамч байх тул ховдгийн гай гэгч болохгүйн тулд байнгын болоод азын бизнесийн аль алинд бүү шимт. Ханаж цадахаа мэдвээс үргэлжид жаргалтай. Эрүүл мэндийн байдал ч сайнгүй байх тул ядаргаанд орохоос сэргийлэн, аль болохоор сайн унтаж амрахыг хичээгээрэй. Энэ сард сэтгэлийн шаналал таныг зовоох бололтой. Унах цэцгэнд санаа байвч, урсах усанд сэтгэл үгүй байх бөлгөө.

Тахиа жилтэн

Энэ жил тахиа жилтнүүд бархасбадийн хилэнг хөндөж байгаа тул ерөнхий төлөв сайнгүй байх бололтой. Цагаан сарын үеэр цагийн байдал тогтворгүй байх хэдий ч, сонор сэрэмжтэй байж чадваас онцын аюул учрахааргүй байна. Ажил бизнесийн урагшлах замд атираа нугачаа нэлээдгүй тохиолдож, аливаа зүйлийг нэгэн амьсгаагаар хийхэд үргэлжид саадтай байх бөлгөө. Тиймээс өмнөх амжилтаа үгүйсгэхгүйн тулд бүхий л хүчээрээ чармайн зүтгэх хэрэгтэй. Хамгийн гол нь тодорхойгүй нөхцөл байдалд биеэ хэрхэн хамгаалахаа мэддэг байх нь чухал. Эс бөгеөс хэл ам, хов живэнд хутгалдан, сөөм ч урагшлахад бэрх болно. Санхүүгийн байдал эхэндээ сайн байх ч, яваандаа муудна. Сарын дунд үеэс олсон мөнгө гадагш урсаж эхлэх бөгөөд сарын сүүлээр мөнгөний урсгал эрс нэмэгдэж, эцэстээ дийлдэхээ болих бололтой. Энэ сард хайрын далайд давалгаа оосох нь хялбар байх тул хэт зууралдах хэрэггүй. Харин ч өөрийгөө чөлөөтэй байлгаж, төөргөөрөө болог гээд орхисон нь дээр.

Нохой жилтэн

Энэ жил нохой жилтнүүдийн төөрөг төлөв мандан бадарч, их аз их ашгийг амлаж байна. Цагаан сарын үеэр азын одод хурах тул хаврыг аз жаргалтай угтаж, өрнөн хөгжих алтан боломж бүрдэнэ. Ажил бизнес ямар ч саадгүй урагшлах төдийгүй олны хүч дэмийг авсанаар барсад жигүүр ургуулсан мэт бүр ч бадрангуй байх бололтой. Гэвч энэ үед олсон амжилтандаа толгой эргэн самуурахгүй байх нь чухал. Биеэ тоон сагсуурч, бусдыг үл тоомсорловоос нөхөд урван, садан холдож, улмаар ганц дайчин ганцаардахад хүрнэ. Эдийн тэнгэр ивээж, байнгын орлого арвижин дэлгэрнэ. Өчүүхэн хөрөнгө оруулалтаас ч санаанд оромгүй ашиг олно. Гэвч хяслантай нь их хэмжээний зардал гарч, улмаар гар дээр тогтохуй бэрх болох бөлгөө. Хүмүүний заяа түших нигууртай байх төдийгүй эсрэг хүйсийн хүмүүнтэй учран дотносож хайрын дөл бадраах нь хялбар байх тул эрхэм мөчийг нандигнан хайрлаж, хайрын бяцхан дөлөө сахин байж, бадраагаарай.

Гахай жилтэн

Энэ жил гахай жилтэй хүмүүний жилийн өрөнхий төөрөг төлөв тун тааруухан байх бололтой. Азаар цагаан сарын үеэр жаргалын од гийж, муу энергийг үргээн, сайн сайхныг даллан дуудаж, их аз их ашгийг авчирна. Ажил бизнесийн явц харьцангуй ахицтай байх төдийгүй санаандгүй унагасан үрнээс тоорын мод урган цэцэглэж, үр жимсээ өгөх бололтой. Гэвч өчүүхэн хүмүүсээс болгоомжлоход илүүдэхгүй. Хамгийн гол нь тайван амгалан байх энэ л үед ирээдүйд учирч болзошгүй аюул түгшүүрийн талаар бодож үзэх хэрэггэй. Учирч болох хүндрэл хийгээд саад бэрхшээлийг эртнээс олж харан, орох борооноос урьтан бэлтгэлээ базаагтун. Энэ нь аюул тулгарсан үед балмагдан сандрахгүйгээр, түгшүүрт байдлыг амар амгалан болгон өөрчлөхөд тустай байх болно. Эд мөнгө арвижин ундарч, байнгын болоод азын бизнесийн аль алинаас ашиг хүртэнэ. Гэвч сарын суүлээр муудах хандлагатай байх тул аван идэх хязгааргүй их хүслийг тэвчигтүн. Хавар цагийн гайхамшигч учрал тохион, хувь тавилангаар сэтгэл хөдөлгөм нэгэнтэй учрах бөлгөө.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.