Зөгий мэт хүмүүсийг дага

Twitter Print
2021 оны 12-р сар 02-нд 10:32 цагт
Мэдээний зураг,

Нэгэн тэрбумтан өөртэй нь удаан хугацаанд хамт ажилласан нарийн бичгийн даргаа гавъяаных нь амралтанд үдэж, цаашдаа ямар ч зүйлд санаа зоволгүй амьдраасай хэмээн хүсээд түүнд хоёр сая доллар өгөхөөр шийджээ.

Тэгсэн нарийн бичгийн дарга үүнд нь ихэд гайхан түүнд хэлсэн нь:

"Та яаж байгаа юм бэ? Юунд ингэнэ вэ? Би тэтгэвэртээ гарахдаа нилээд хэдэн тэрбумыг хуримтлуулсан шүү дээ." гэв.

Тэрбумтан: "Энэ чинь юу гэсэн үг вэ? Яаж тэр вэ? Та сард 5-6 мянган долларын л цалин авч байсан биз дээ? Яаж ийм их мөнгө хуримтлуулсан юм бэ?"

Нарийн бичгийн дарга: "Би тантай уулзалт болгонд байнга хамт оролцдог байсан шүү дээ. Таныг үнэт цаас худалдаж авахад чинь би ч гэсэн бага хэмжээгээр авдаг байсан. Би таны үйлдлийг яг дагаж хийдэг байсан юм. Ингээд таныг сая саяаар нь ашиг олж байхад чинь би ч бас хэдэн мянган доллар олдог байсан. Таныг тэрбумаар нь олох үед, би саяыг олдог байлаа" гэжээ.

Та юу тарьж ургуулна, түүнийгээ л хурааж авна гэж үнэн шүү.

Ялаа мэт хүмүүс гэж байна, мөн зөгий мэт хүмүүс ч гэж байна!

Зөгий таныг үргэлж цэцэг рүү хөтлөх болно!

Та ухаантай оюунлаг хүмүүстэй хамт явж байж л хөгжинө! Сайн хүмүүстэй хамт явж байж л хүсэл зорилгодоо хүрч чадна!

Муу хүмүүстэй нөхцвөл, үргэлж л сөрөг зүйлтэй учрах болно.

Таны хүрээлэн буй орчин чинь ямар вэ? Энэ л тун чухал.

Хичээл зүтгэлтэй хүмүүстэй хамт явбал, та улам л хичээх болно!

Мэдлэгтэй хүмүүстэй хамт та улам өндөрт өсөж гарах болно!

Орчуулсан Н.Энхбаяр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.