Дэлхийн гадаад худалдаанд юань жин дарж байна

Twitter Print
2013 оны 12-р сар 05-нд 15:34 цагт
Мэдээний зураг,

  Олон улсын банк хоорондын SWIFT системийн баримт мэдээгээр Хятадын мөнгөн дэвсгэрт еврог гүйцэн түрүүлж, дэлхийн валют эргэлтийн хоёрдугаар байранд очлоо. Өнгөрсөн оны эхний сард  1,89 байсан юаний хувь 2013 оны аравдугаар сард 8,66 % хүртэл өссөн үзүүлэлт гарчээ. Гэтэл энэ хугацаанд еврогийн хувь 7,87 % -6,64 % хүртэл буурсан байна. Энэ үзүүлэлтийг  SWIFT зөвхөн  гадаад худалдааны төлбөр тооцоонд хийгдсэн аккредитив, төлбөрийн тооцоонуудад үндэслэн гаргасан байна.

Юаний хамгийн идэвхтэй хэрэглэгчид нь хятад болон гонконгийн компаниуд байгаа бөгөөд хятадын валютын гадаад худалдааны нийт төлбөр тооцооны 80 хувь эдгээр  компанидад ноогдож буй юм.Үлдсэн хорин хувиас Сингапур /12%/, Герман /2%/, Австрали/2%/, болон бусад улс хамтдаа /4 %/ эзэлж байгаа ажээ. Харин АНУ-ын долларын хувьд урьдын адил тасархай явж байна. Өнгөрсөн аравдугаар сард дэлхий нийтийн  гадаад худалдааны нийт төлбөр тооцооны 81,08 хувийг америкийн үндэсний валютаар хийгджээ.

Р.Этүгэн

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.