Хятад билэгдэлтэй азын доллар худалдаанд гарлаа

Twitter Print
2013 оны 12-р сар 05-нд 15:25 цагт
Мэдээний зураг,

Айсуй ирж буй Морин жилийг угтан АНУ-ын сангийн яамнаас «азтай» доллар дотор нь хийсэн аз жаргал, баяжихын билэгдэл улаан дугтуйг худалдаанд гаргалаа. "Hong bao" гэж нэрлэгдэх морины зурагтай улаан дугтуйнд хийсэн яг 88,888 ширхэг мөнгөн дэвсгэртийг өнөөдрөөс буюу 12-р сарын 5-ны өдрөөс худалдаж эхэлсэн бөгөөд хятадуудын аз жаргал  билэгддэг наймын тоогоор үргэлжилсэн серийн дугааруудтай дэвсгэрүүд байгаа ажээ. Шинэ жилийн баярын нэг ширхэг дугтуй 5.95 долларын үнэтэй. 50 буюу түүнээс илүү олон дугтуй нэг зэрэг худалдаж авбал нэг ширхэгт нь 4.50доллар, харин 1000 дугтуй нэг дор авбал ширхэг нь 3.95 доллараар тус тус үнэлэгдэж байна. Шинэ оны өмнө ийм бараа, ялангуяа ээлтэй амьтны жилийг билэгдсэн бүтээгдэхүүн их эрэлт хэрэгцээтэй байдаг гэж АНУ-ын Сангийн яамны тамга тэмдэгийн товчооны ажилтан Cheng Wang тэмдэглээд "өнгөрсөн жил ийм дугтуйнууд ганцхан долоо хоногийн дотор борлуулагдаж дууссан » хэмээн өгүүлсэн байна. Хятад энэ жилийн Цагаан сарыг 1-р сарын 31-нд тэмдэглэнэ.

Р.Этүгэн

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.