Францын Соёлын сайд Charlie Hebdo-д сая евро олгох санал таваив

Twitter Print
2015 оны 01-р сар 09-нд 10:53 цагт
Мэдээний зураг,

Саяхан олон хүний амь насанд хүрсэн халдлагад өртсөн Францын “Charlie Hebdo” хошин элэглэлийн сэтгүүлд сая евро олгох тухай тус улсын Соёлын сайд Флер Пеллерин мэдэгджээ. Le Parisien хэвлэлд тэмдэглэснээр, түүний амласан сая еврог Charlie Hebdo сэтгүүл хэзээ авах нь тодорхойгүй байгаа бол  хуулинд энэ төрлийн тусламж үзүүлэх заалт байхгүй учраас засгийн газраас үүний тулд хэд хэдэн тогтоол гаргах шаардлагатай болж байгаа аж.

Нэгдүгээр сарын 7-ны өдөр Charlie Hebdo сэтгүүлийн байранд болсон зэвсэгт халдлагын улмаас тус сэтгүүлийн арав, цагдаагийн хоёр ажилтан амь үрэгдэж, 11 хүн шархадсан уг хэрэгт сэжиглэн одоогоор есөн хүн баривчлаад байгаа бол гэмт хэргийн буруутан гэж үзэж байгаа ах дүү Шериф, Самид Куаши нарыг цагдаа нар хайж байна.

Тусгай албадын баримт мэдээллээр бол ах дүү хоёрын бага 32 настай Шериф (ах Самид Куаши нь 34 настай) хууль сахиулах байгуулагад хэзээний танил бөгөөд олон улсын террорист "Аль-Каида" байгууллагын Ирак дахь салбартай холбоотой хэргээр 2008 онд гурван жил хоригдох ял шийтгүүлж байсан, мөн Францад бүх насаараа хоригдох ял сонссон Алжирын зандалчин Али Белькасемтай холбоотой хэрэгт сэжиглэгдэж байсан этгээд аж.

Сэтгүүлийн редакцид болсон халдлагын дараа ах дүү Куаши болон энэ хэрэг явдалд холбоотой гэх 18 настай Хамид Мурад нарын нэр тодорхой болоод байсан бол Хамид Мурад цагдаагийнханд өөрөө очиж, хэрэг явдалд буруугүй гэдгээ нотолж, тухайн үед сургууль дээрээ байсан нь тогтоогдсон байна. 

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.