ЭМЯ-наас "Ачтан элит клиник" эмнэлэгт үүсээд буй нөхцөл байдлын талаар мэдээлэл хийлээ.
Тус эмнэлэг даваа гарагаас үйл ажиллагаагаа эхлүүлэхээр нэгдүгээр сарын 3-нд ажилтнуудаасаа шинжилгээ авчээ. Ингэхэд есөн хүний PCR шинжилгээгээр халдвар авсан нь батлагдсан байна.
Нийт 134 эмч, эмнэлгийн ажилтантай "Ачтан элит клиник"-т тандалт судалгаа үргэлжилж байгаа бөгөөд тус эмнэлэгт 12 дугаар сарын 28-ныг хүртэлх хугацаанд дотор, мэдрэл, хөнгөвчлөх эмчилгээний тасгууд ажиллаж байжээ. Улмаар сүүлийн өвчтөн 28-нд эмнэлгээс гарч 29,30-ны өдрүүдэд цэвэрлэгээ халдваргүйжүүлэлт хийн ажилтнуудаа амраажээ.
Иймд 12 дугаар сарын 15-наас хойш тус эмнэлгийн амбулаториор үйлчлүүлсэн болон хэвтэн эмчлүүлсэн иргэдийг өөрсдийгөө тусгаарлаж, яаралтай шинжилгээнд хамрагдахыг хүслээ.
А.Анар
Энэ мэдээ танд таалагдаж байвал LIKE хийгээрэй. Танд баярлалаа.
