БНСУ тус улсад оршин сууж буй гадаадын иргэдийн оршин суух хугацааг 3 сараар сунгана

Twitter Print
2020 оны 12-р сар 02-нд 08:56 цагт
Мэдээний зураг,

БНСУ-ын Хууль зүйн яамнаас тус улсад оршин сууж буй гадаадын иргэд оршин суух хугацаагаа сунгах ажлаар төрийн байгууллагыг зорих хөдөлгөөнийг багасгах зорилгоор зарим төрлийн оршин суух зөвшөөрлийг гурван сараар сунгах болсоныг Монгол Улсаас БНСУ-д суугаа Элчин сайдын яам, Консулын хэлтэсээс мэдээллээ. 

Энэхүү зохицуулалтаар БНСУ-д хууль ёсны дагуу оршин суугаа гадаад иргэдийн (Гадаад иргэний оршин суух үнэмлэхтэй иргэд) оршин суух хугацааг 2021 оны хоёрдугаар сарын 28-ныг хүртэл гурван сарын хугацаагаар сунгах аж. 

Гэхдээ оршин суугаа хаяггүй, хууль бусаар оршин суугаа гадаадын иргэд энэхүү сунгалтад хамрагдахгүй. Мөн хөдөлмөрийн гэрээт ажилчдын Е-9, далайн хөлөг онгоцны ажилчны Е-10, зочин ажилтны Н-2, бусад ангилалын G-1 визийн ангилал бүхий иргэд хамрагдахгүй. Харин Солонгос улсын иргэнтэй гэр бүл бологчийн эцэг эхэд хамаарах F-1-5 визийг хуульд заасан боломжит хугацаагаар сунгах ажээ. Мөн одоогийн байдлаар виз сунгуулах хүсэлтээ биеэр болон онлайнаар гарган, хүсэлт нь хянагдаж буй иргэд хамаарахгүй.

Тодорхой мэдээллийг www.hikorea.go.kr цахим хуудсанд оруулах бөгөөд холбогдох асуултаа БНСУ-ын Гадаад иргэн харьяатын газар /Иммигрэйшн/-ын 1345 утсанд холбогдон тодруулах боломжтой.

Эх сурвалж: Солонгос улс дахь Монгол улсын ЭСЯ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.