УИХ-ын гишүүн Д.Ганбат Монголын ард түмнээс уучлалт хүслээ

Twitter Print
2020 оны 11-р сар 19-нд 13:41 цагт
Мэдээний зураг,

УИХ дахь АН-ын дарга Д.Ганбат өнөөдрийн нөхцөл байдалд хүргэсэндээ УИХ-ын гишүүний зүгээс нийт ард иргэдээсээ уучлалт хүсэж байна хэмээн чуулганы танхимд хэллээ.

Тэрбээр суудлаасаа босон "Монгол Улсыг, Монголын ард түмнийг ийм нөхцөл байдалд оруулсандаа уучлалт хүсэж байна. Нийт 3.3 сая иргэдээсээ уучлалт гуйж байна. Ингэж уучлалт гуйж байгаа хүн нь би анхных нь байх. Цаашдаа энэ үлгэр жишигээр явах байх. Нөхцөл байдал хүндэрч байна. Дотооддоо халдвараа алдлаа. Өчигдөрхөн 21 байсан өнөөдөр 30 боллоо. АН, АН-ын гишүүд, АН-ын бүлгээс удаа дараа шаардлага тавьсан. Хэрэгжүүлсэн зүйл алга байна. Салан назгай, мэргэжлийн бус хандсан зүйлээс болж улам даамжирлаа.

АН энэ сарын 17-нд УИХ-ын дарга, Ерөнхий сайдад бичиг илгээсэн. Энэ нь УИХ дахь МАН-ын гишүүд, Засгийн газрын гишүүдэд хаягласан гэсэн үг. Үүнийг харсан уу. Та бүхэн нийт ард түмнээсээ уучлалт гуйх ёстой" гэлээ. 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.