“Virtuoso Gala Concert - 2020” энэ сарын 17-нд болно

Twitter Print
2020 оны 11-р сар 09-нд 16:56 цагт
Мэдээний зураг,

Гарамгай уран бүтээлчдийн “Virtuoso Gala Concert-2020” нэгдсэн тоглолт 2020.11.17-ны 19:00 цагт Улсын филармонийн концертын танхимд эхэлнэ. Энэ удаа зөвхөн хөгжимчдийг урилаа.

Virtuoso Academy-аас 18 дахь жилдээ зохион байгуулж буй уг тоглолтоор энэ цаг үеийн шилдэг өсвөрийн хөгжимчдийн төлөөлөл болон шалгарсан уран чадварлаг үндэсний, сонгодог хөгжимчид дэлхийн суутнуудын сор болсон бүтээлүүдээс сонордуулна.

Уран бүтээлчдийн танилцуулга болон тоглолтын хөтөлбөр

Virtuoso Gala Concert-2020

(18 дахь жилдээ)

Өсвөрийн хөгжимчид

  1. Э.Хануй

Өсвөрийн хийлч. Консерваторийн Сонгодог хөгжмийн мэргэжлийн сургуулийн 7-р ангийн сурагч

(Энэ оны наймдугаар сард Лондон хотод зохион байгуулсан “New talent” олон улсын залуу хөгжимчдийн онлайн уралдааны тэргүүн байрын шагналт)

А.Вивальди “Жилийн дөрвөн улирал. “Өвөл”

(A.Vivaldi, Concerto №4 in F minor, op.8, RV 297, “Winter”)

Мэргэжлийн багш Консерваторийн зөвлөх багш Боловсролын тэргүүний ажилтан, Соёлын тэргүүний ажилтан Ж.Энх

Төгөлдөр хуурч, Консерваторийн багш Ц.Шаравцэрэн

  1. Г.Амина

Өсвөрийн төгөлдөр хуурч. Консерваторийн Сонгодог хөгжмийн мэргэжлийн сургуулийн 8-р ангийн сурагч. 

(Ардын жүжигчин Ж.Чулууны нэрэмжит өсвөрийн төгөлдөр хуурчдын уралдааны III байрын шагналт, Испани улсын Мадрид хотод болсон олон улсын IV уралдааны хүрэл, мөнгөн медальт, ОХУ-ын Улаан-Үд хотод болсон “Найдал” уралдааны III байрын эзэн, Монгол Улсын Консерваториос зохион байгуулсан И.С.Бахад зориулсан уралдааны D ангиллын III байрын шагналтай. Итали улсын Милан хотод хэдхэн хоногийн өмнө өндөрлөсөн “Piano Talents” олон улсын онлайн уралдаанд III байр эзэлсэн)

Ф.Шопен, ноктюрн op 32. №2

Мэргэжлийн багш СТА Ц.Мягмарцэрэн

  1. М.Нарансоёмбо

Өсвөрийн виолончельч. Консерваторийн Сонгодог хөгжмийн мэргэжлийн сургуулийн 4-р ангийн сурагч

(АНУ-ын Нью-Йорк хотын “Карнегги холл” (GARNEGIE HALL)-д болсон олон улсын өсвөрийн хөгжимчдийн уралдаанд II байр эзэлж, Чех улсад болсон Хераны нэрэмжит олон улсын морин хийлчдийн XV уралдаанд III байр эзэлсэн тэрбээр энэ онд Англи улсад зохион байгуулсан олон улсын өсвөрийн хөгжимчдийн онлайн уралдаанд алтан медаль хүртсэн)

К.Чэни “Будапешто” (C.Cheney. “Budapesto”)

Мэргэжлийн багш дэд профессор, Монгол Улсын Гавьяат багш Ш.Дуламсүрэн

Төгөлдөр хуурч, Консерваторийн багш  Ц.Мягмарцэрэн

  1. Олон улсын уралдаануудын шагналт өсвөрийн төгөлдөр хуурчид:

Консерваторийн Сонгодог хөгжмийн мэргэжлийн сургуулийн 4-ийн А ангийн сурагч З.Амин-Эрдэнэ (8 настай), 5-ын А ангийн сурагч Б.Сорхогтан (10 настай), 6-гийн А ангийн сурагч О.Нандин (11 настай).

Альберт Лавиньяк, “Галоп” (A.Lavignac, “Galop”)

I гарыг З.Амин-Эрдэнэ, II гарыг Б.Сорхогтан, III гарыг О.Нандин

Мэргэжлийн багш төгөлдөр хуурч, дэд профессор С.Саянцэцэг

Үндэсний хөгжимчид

5. Х.Батням

Баялаг бишгүүрч. Консерваторийн Сонгодог хөгжмийн сургуулийн IV курсын оюутан, Үндэсний урлагийн их театрын хөгжимчин

(2018 онд Узбекистан улсын Ташкент хотод болсон олон улсын ардын хөгжимчдийн “NAVRO’Z SADOLARI” уралдаанд хамтлаг хөгжмийн төрөлд “Халх Монгол” хамтлагаар тэргүүн, 2019 онд ОХУ-ын Улаан-Үд хотод болсон ‘Зимняя соната’ олон улсын урлагийн наадам-уралдаанд гоцлол хөгжмийн төрөлд тэргүүн байр эзэлж, Сочи хотын олон улсын шилдэг хөгжимчдийн цугларалтад уригдсан)

А.Пончелли (Amilcare Ponchielli) гобой хөгжимд зориулсан каприччио

Мэргэжлийн багш Монгол Улсын Гавьяат багш Г.Ширчинбаатар

Төгөлдөр хуурч Э.Номин

6. Э.Цэндсүрэн

Хуучирч. Үндэсний урлагийн их театрын хөгжимчин

(Гавьяат жүжигчин, дэд профессор С.Цэвэлмаагийн нэрэмжит Өсвөрийн хуучирчдын улсын анхдугаар уралдааны тэргүүн, Ардын жүжигчин Л.Мөрдоржийн нэрэмжит Үндэсний хөгжимчдийн улсын II уралдааны дэд тэргүүн, Хөдөлмөрийн баатар, Төрийн шагналт, Урлагийн гавьяат зүтгэлтэн Б.Шаравын нэрэмжит Үндэсний хөгжимчдийн олон улсын анхдугаар уралдааны III,  ОХУ-ын “Надежда” олон улсын Х уралдааны тэргүүн, 2019 онд БНХАУ-ын Бээжин хотод болсон “Гуо Еин Бэй” өсвөр, залуучуудын олон улсын хөгжимчдийн уралдаан тэргүүн байрын шагналтан)

Ли Бо Чанг, “Хайр ба дайн”. (Li Bo Chang, “Ode to Hero, Ode to love”)

Монгол дахь мэргэжлийн багш СТА, БТА П.Мөнгөнцэцэг

Шанхай хотын Консерватори дахь мэргэжлийн багш нь профессор Ван Ён Дэ (Wang Yong De)

  1. Морин хуурч, Морин хуурын чуулгын гоцлол хөгжимчин Н.Жигжиддорж,

Төгөлдөр хуурч, УДБЭТ-ын концертмейстер Э.Намуун

Гоцлол хөгжимчний хувьд урын сангаа шинэ бүтээлээр байнга баяжуулан, Монголынхоо болон олон улсын сонсогчдын сонорыг мялааж, сэтгэл, оюуныг хөглөж байдаг морин хуурч, УДБЭТ-ын жүжгүүдэд гоцлол дуучдыг бэлтгэдэг, мөн дуурийн дуучдыг Монголынхоо болон олон улсын уралдаануудад амжилттай оролцуулж ирсэн төгөлдөр хуурч хоёр Хөдөлмөрийн баатар, Төрийн хошой шагналт, Ардын жүжигчин Н.Жанцанноровын дуулаачийн хөгжмийн бүтээлийн “Талын харгуй” цомогт багтсан “Голын эрэгт чи минь очоорой”, “Хувьтай гэгдэх хүний нэг” романсуудыг хамтран хөгжимдөнө.

Сонгодог хөгжимчид

8. Хийлч М.Номужин, эрдүү хийлч З.Орчлон

М.Номужин Улсын филармони, ОХУ-ын Улаан-Үд хотын Дуурь, бүжгийн эрдмийн театрт хөгжимчнөар ажиллаж байсан. Өдгөө чөлөөт уран бүтээлч. Хөгжим бүжгийн коллеж, Консерваторийг мэргэжлийн багш Т.Сарантуяа болон Ж.Энх нарын удирдлага доор төгссөн. АНУ-ын Нью-Йорк хотын “Карнегги холл”-д болсон өсвөрийн хөгжимчдийн “Крешендо” олон улсын уралдаанд тэргүүн байр эзэлсэн. Улсын филармонийн хөгжимчдийн “Чембер мюзик” тоглолтоор хамтрагч З.Орчлонгийн хамт дуэт гоцлон тоглож үзэгчдээс өндөр үнэлгээ авч байсан амжилттай.

Эрдүү хийлч З.Орчлон Улсын филармонийн симфони найрлын хөгжимчин.

Хөгжим бүжгийн коллежид Соёлын тэргүүний ажилтан Д.Алимаа багшаар V анги хүртлээ хийл хөгжим заалгаж, улмаар багш, докторант Б.Энх-Амгалан багшийн удирдлагад эрдүү хийлч мэргэжлээр суралцан тус сургуулиа дүүргэсэн. Тэрбээр Ардын  жүжигчин Ж.Чулууны нэрэмжит өсвөрийн хөгжимчдийн олон улсын уралдааны II, ОХУ-ын олон улсын “Найдал” уралдааны II байрын шагналтай. Улсын филармонийн хөгжимчдийн “Чембер мюзик” тоглолтоор хамтрагч М.Номужингийн хамт дуэт гоцлон тоглож үзэгчдээс өндөр үнэлгээ авч байсан амжилттай.

Х.Халворсен, “Пассакалиа” (Passacalia)

9. Т.Энхмаа

Виолончельч. Улсын филармони, УДБЭТ-ын хөгжимчин

(БНСУ-ын Урлагийн үндэсний их сургуулийг виолончельч мэргэжлээр төгсөж ирээд эх орондоо ажиллаж байна. Тэрбээр Хөгжим бүжгийн коллежид суралцаж байхдаа Ардын жүжигчин Ж.Чулууны нэрэмжит болон ОХУ, БНЧУ, Франц улсад болсон өсвөрийн хөгжимчдийн олон улсын уралдаануудад өндөр амжилт гаргаж байсан бөгөөд тухайн тухайн үеийн үзүүлэлтээрээ Virtuoso Gala Concert-д 3 удаа уригдан тоглож байсан уран бүтээлч юм)

Монгол дахь мэргэжлийн багш нь Гавьяат багш Ш.Дуламсүрэн

БНСУ-ын Урлагийн үндэсний их сургууль дахь багш нь профессор Ии Ган Ху

Р.Шуман, Адажио ба Аллегро

Төгөлдөр хуурч Г.Болормаа

10. Б.Бат-Эрдэнэ

Төгөлдөр хуурч. Консерваторийн багш

(Ф.Шопены нэрэмжит төгөлдөр хуурчдын олон улсын уралдааны оролцогч, ОХУ-ын Санкт-Петербург хотноо болсон суут П.И.Чайковскийн нэрэмжит олон улсын XVI уралдааны дуурийн дуулаачдын ангиллын “Шилдэг концертмейстер” шагналт)

  1. О.Урангоо

Хийлч. Улсын филармонийн симфони найрлын хөгжимчин

(Ардын жүжигчин Ж.Чулууны нэрэмжит өсвөрийн хөгжимчдийн олон улсын уралдааны дэд, ОХУ-ын Улаан-Үд хотод болсон олон улсын “Найдал” уралдааны дэд, Парис хотод болсон “Флейм” олон улсын уралдаанд III, Монгол Улсын Консерваториос зохион байгуулсан “И.С.Бах ба XXI зууны хөгжмийн өргөл” төгөлдөр хуурчдын уралдааны А ангилалд тэргүүн  байр тус тус эзэлсэн. 2019 онд уран бүтээлийн бие даасан тоглолтоо хийсэн. Энэ онд, хэдхэн хоногийн өмнө Улсын филармонийн симфони найрал хөгжимтэй П.И.Чайковскийн хийлийн концертыг гурван ангиар нь гоцлон тоглосон амжилттай)

М.Равель, “Цыган бүсгүй” (Ravel: Tzigane)

Төгөлдөр хуурч, УДБЭТ-ын концертмейстер Э.Намуун

Мэргэжлийн багш Консерваторийн багш БТА, СТА, олон улсын уралдааны шүүгч Ж.Энхтуяа

  1. Цохивор хөгжмийн дөрвөл. УДБЭТ, Консерваторийн хөгжимчид:

С.Хүлэгбаатар, Т.Хастөр, Ө.Түвшинжаргал, О.Билгүүн

(Шинэ бүтээл төрүүлж, гар нийлэн хамтран тоглож, хөгжмийн мэргэжилтнүүдээс өндөр үнэлгээ авч байдаг уран бүтээлчдийн тоглохыг энэхүү тайзнаас дахин сонсохыг хүссэн байнгын  үзэгчдийнхээ хүсэлтийг биелүүлж, тус цохивор хөгжмийн дөрвөлийг Virtuoso Gala Concert-ын тайзнаа дахин урьж байна)

Минору Мики, “Маримбын гайхамшиг”

Мэргэжлийн багш Монгол Улсын Гавьяат багш Б.Зоригт

“Virtuoso Gala Concert-2020” тоглолтод морилон саатна уу.

Мэдээллийг 99776917, 88037007 (eng)

Тасалбарыг ticket.mn

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.