Арваннэгдүгээр сараас хөнгөлөлттэй эмийг дурын эмийн сангаас авах боломж бүрдэнэ

Twitter Print
2020 оны 09-р сар 24-нд 13:12 цагт
Мэдээний зураг,

Эрүүл мэндийн үйлчилгээний санхүүжилт, тусламж үйлчилгээний хүртээмжийг сайжруулах зорилгоор 2020 оны арваннэгдүгээр сарын 1-нээс хөнгөлөлттэй эм олгох тухай хуульд өөрчлөлтүүдийг оруулсан. Ингэснээр иргэд хөнгөлөлттэй эмийн жороо бүх шатны эмнэлгийн эмчээр бичүүлж, дурын эмийн сангаас авч эхлэх боломж бүрдэж байгаа юм.

Тэгвэл энэ талаар ЭМДЕГ-ын Олон нийттэй харилцах хэлтсийн ахлах мэргэжилтэн Б.Түвшинжаргал хэвлэлд өгсөн мэдээлэлдээ "Ирэх аравдугаар сард мөн гэрээ бүхий эмийн сангаар хөнгөлөлттэй эм олгоно.  Аль болох ард иргэдэд чирэгдэл багатай байхаар зохицуулалт хийх хүрээнд анхаарал хандуулж ажиллаж байна. Ямартай ч арваннэгдүгээр сарын нэгнээс хэрэгжиж эхлэх хөнгөлөлттэй эм олгох хуулийн дагуу ЭМЯ зайлшгүй шаардлагатай эмийн есдүгээр жагсаалтыг шинэчлэн баталснаар ЭМДЕГ тухайн жагсаалтад багтсан эм тус бүрийг хэдээс хэдэн хувь хөнгөлөх боломжтой гэдгийг хэлэлцэж, шийдвэрлэх байгаа. Одоогийн байдлаар бүх шатны эмнэлэгт жор олгох эмчийг ЭМДЕГ-ын програмд нэвтрэх боломжтой болгох хүрээнд коджуулах ажил хэрэгжиж байна. Ирэх сард иргэд хөнгөлөлттэй эм олгодог гэрээт эмийн сангаар хөнгөлөлттэй эм олгох шийдвэр хэвийн хэрэгжинэ." гэжээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.