Энэ сарын 27-нд тусгай үүргийн нислэгийн хуваарийг албан ёсоор зарлана

Twitter Print
2021 оны 01-р сар 18-нд 17:28 цагт
Мэдээний зураг,

УОК-ын шуурхай штабаас цаг үеийн асуудлаар мэдээлж байна.

ГХЯ-ны Консулын газрын дарга Л.Мөнхтүшиг "2021 оны нэгдүгээр сарын 15-нд БНСУ руу тусгай үүргийн нэг нислэг үйлдсэн. Мөн энэ сарын 22-ны баасан, 31-ний ням гаргуудад нэмэлт хоёр удаагийн тусгай үүргийн нислэг хийж 320 иргэнээ авч ирнэ. 

Хоёрдугаар сарын нислэгийн саналаа УОК-т танилцуулах ба энэ сарын 27-нд нислэгийн хуваарийг албан ёсоор зарлана. Нутаг буцах хүсэлтэй иргэдийн тоо өнгөрсөн хоёр сарын хугацаанд огцом нэмэгдлээ. Гадаадад байгаа, нутаг буцах хүсэлтэй 8433 иргэн байгаагаас нэн яаралтай буюу энэ сардаа багтаад ирэх хүсэлтэй 2660 орчим байна.  БНСУ, Япон, Зүүн Өмнөд Азийн орнуудад байгаа 6315 хүн, АНУ 1479 хүн, Австралид 93 хүн, Африкт 3 хүн, Европт байгаа 544 иргэн нутагтаа ирэх хүсэлтэй байна. 

Өнгөрсөн хугацаанд бид агаараар болон газраар 28 мянга гаруй иргэнээ авч ирээд байна" хэмээн мэдээллээ. 

 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.