Цэцэрлэг, сургуулийн сургалтыг ямар хувилбараар зохион байгуулахыг Засгийн газар эцэслэн шийдвэрлэнэ

Twitter Print
2020 оны 07-р сар 28-нд 16:45 цагт
Мэдээний зураг,

УОК-ын шийдвэрийн талаар мэдээлэл хийж байна. Энэ үеэр БШУ-ны сайд Л.Цэдэвсүрэн "2020-2021 оны хичээлийн жилийг хэрхэн зохион байгуулах талаар ажлын хэсэг байгуулан, судалж ажиллалаа. 

Өнөөдөр УОК-т хувилбаруудаа танилцуулсан. Маргааш Засгийн газрын хуралдаанаар эцэслэн шийдвэрлүүлэнэ. 2019-2020 оны хичээлийн жилд нийт 75 өдрийн сургалтыг теле хэлбэрээр зохион байгуулсан. 2020-2021 оны хичээлийн жилд цэцэрлэгт 350 мянган хүүхэд, ерөнхий боловсролын сургуульд 680 мянган сурагч, 150 мянган оюутан суралцах ёстой. Бүх шатны сургалтын үйл ажиллагааг хэрхэн эхлүүлэх, ямар хувилбараар зохион байгуулах талаар УОК-оос өнөөдөр тодорхой чиглэлүүд авлаа. 

Маргааш Монгол Улсын Засгийн газрын хуралдаанаар эцэслэн шийдвэрлэнэ. Засгийн газрын албан ёсны шийдвэр гарсны дараагаар Боловсрол, шинжлэх ухааны яамнаас хэвлэлийн хурал хийж, зарлах болно" гэв.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.