Орой төрөлт муу юу, сайн уу?

Twitter Print
2016 оны 09-р сар 24-нд 09:41 цагт
Мэдээний зураг,

Эмэгтэй хүний 21-27 насыг хүүхэд төрүүлэх хамгийн тохиромжтой үе гэдэг. Гэвч орчин үед боловсрол эзэмших, хувийн амьдралаа цэгцлэх, албан тушаал ахих зэрэг олон шалтгаанаас үүдэн эмэгтэйчүүд нөхөрт гарах, хүүхэд төрүүлэх хугацаагаа улам хойшлуулах нь бий.

Гуч хүрэхэд эмэгтэй хүн хүүхэд төрүүлэх, асрах, тэжээхтэй холбоотой бүх хүчин зүйлийг төлөвлөж тооцоолсон байдаг тул эдийн засгийн хүндрэл, бэрхшээл гарах нь ховор. Хүүхэд асрах, хүмүүжүүлэхийн хувьд ч нас тогтсон эмэгтэй илүү туршлагатай байна.

Оройтож төрүүлэхэд давуу тал байдаг ч сөрөг хүчин зүйлс мөн байгааг анхаарах нь зүй. Гучин наснаас хойш эмэгтэй хүний бие организмд хөгшрөх процесс эхэлдэг. Энэ нь бүх эрхтэнг хамрах тул хүүхэд тээх, гаргахад хүндрэл үүсгэж болзошгүй. Гуч гарсан эхчүүд гол төлөв “хийсвэр” хагалгаагаар хүүхдээ төрүүлэх нь түгээмэл болжээ.

Гучин наснаас эмэгтэй хүний мэдрэлийн систем стресст “идүүлсэн” байдаг. Орчин үеийн эрчтэй хэмнэлд зайлшгүй зүйл. Үүнээс улбаалж дархлааны систем сулрах нь бий. Эдгээр хүчин зүйлс төрөх хүүхдийн эрүүл мэндэд нөлөөлөхгүй байж чадахгүй. Гэхдээ хэрэв жирэмслэлт болон төрөлт үлэмж хүндрэлтэй явагдсан тохиолдолд л хүүхдийн эрүүл мэндэд асуудал үүсч болзошгүйг эмч нар тодотгож тайлбарладаг.

Эмч нар орой төрөлтөөс айх хэрэггүй, зөвхөн заавар, журмыг л мөрдлөг болгоход хангалттай гэж үздэг.

- Жирэмсэн болохоос өмнө өөрийн эрүүл мэндийн талаар эмчээс зөвлөгөө авах шаардлагатай. Үүний дараа л хүүхэдтэй болох эсэхэд эцсийн дүгнэлт, шийдвэр гаргаж болно.
- Үр хөврөл 20-26 долоо хоногтой байх үед мэргэжлийн эмчид хандаарай. Эмч анализын тусламжтай төрөх хүүхдийн эрүүл мэндэд асуудал үүсгэж болзошгүй хүчин зүйлийг эрт илрүүлж, урьдчилан сэргийлнэ.
- Ямар ч төрлийн стресс, сөрөг нөлөөллөөс зайлсхийх
- Зөв хооллолт, салхинд гарах, биеийн дасгал хийх, хорт зуршлаас татгалзах зэрэг эрүүл амьдралын хэв маягийг баримтлаарай.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • zochin

      (43.228.129.250) 2019-04-30 17:08
      • 0
      • 0

      35 нас орой төрөлт биш биз дээ. 9 жилийн өмнө анхны хүүхдээ төрүүлсэн,

      Хариулах

    • БИ

      (182.160.34.93) 2016-02-24 15:08
      • 0
      • 0

      БИ БАС Л 43 НАСТАЙ АНХНЫ ТӨРӨЛТ,ЭРҮҮЛ САРУУЛ ЗҮВ ЗҮГЭЭР САЙХАН ТӨРСӨН,СЭТГЭЛ САНААГАА АМАР ТАЙВАН,ХӨНГӨН ЗӨӨЛӨН ХООЛЛОЛТ ,ТОХИРСОН ДАСГАЛ ХӨДӨЛГӨӨН,ТЭГЭЭД САР БҮР ЭМЧДЭЭ ҮЗҮҮЛЭЭД БОЛОО,ЖИРЭМСЛЭХЭЭСЭЭ ӨМНӨ БИЕЭ ЭМЧИД ҮЗҮҮЛЖ ЭРҮҮЛ САРУУЛ БАЙВАЛ ХЭДИЙ НАС ОРОЙТСОН Ч ЖИРЭМСЛЭХЭД ЗҮГЭЭРЭЭ,МАНАЙ ХАДӨМ ЭЭЖ ХҮРТЭЛ 49 НИЙХЭЭ ЖИЛ ДЭЭР ТӨРЖ БСАН.

      Хариулах

    • Jargal

      (103.57.95.141) 2016-02-13 23:40
      • 0
      • 0

      Saihan medee bn

      Хариулах

    • монгол

      (103.57.95.223) 2016-02-13 08:39
      • 1
      • 2

      Орой төрөх хамаагүй бх гэж бодож бна харин шинжилгээ сайн хийлгэх хэрэгтэй бхаа.манай эхнэр 42 анхны төрөлт сэтгэл өндөр бгаа бүх шинжилгээ сайн гарсан бүсгүйчүүдээ хайрлаж сайхан гэр бүл бхыг хүсий

      Хариулах

    • Оюу

      (103.26.194.206) 2016-02-12 22:43
      • 0
      • 3

      Би 41 тэй бага охиноо төхүүлсэн,тэр үед хамт төрч байсан залуу ээж нарын хөхөнд сүү орохгүй,хүүхэд нь тархины даралттай уйлагнаал...хэцүүхэн байхад миний охин эрүүл,хөх маань сүү сайтай хөхөнд нь сүү орохгүй байгаа ээжүүдийн хүүхдүүдийг хөхүүлээд л явж байсан.Нас нээх хамаараад байдаггүй гэж бодсон,гол нь амьдралын зөв хэвшил чухал санагдсан.Одоо охин маань 5 настай,юуун өөрийгөө хөгширч байна гэж бодох манатай,охиноо хараад үнэрлээд хайр хүрээд жаргаж байгаа шүү.Тиймээс над шиг орой хүүхэд тээх гэж байгаа эмэгтэйчүүдэд хэлэхэд,санаа зоволтгүй тээгээрэй.Дараа нь зориглож тээсэндээ баярлах болно.

      Хариулах

    • Зочин

      (202.179.7.84) 2016-02-14 07:49
      • 0
      • 0

      Тэгнээ.Баярлалаа

      Хариулах