Ковидийн эсрэг 90 хувийн магадлалтай вакцин гаргаж авлаа

Twitter Print
2020 оны 11-р сар 10-нд 10:30 цагт
Мэдээний зураг,

Коронагийн эсрэг 90% өндөр хамгаалалттай вакцин эрдэмтэд анх удаа гаргаж авчээ. Энэ вакциныг Америкийн Pfizer Гёрманы BioNTech хоёр эмийн компаний эрдэмтэд хамтран гаргаж авсан бөгөөд дэлхийн 6 орны 43.500 хүн дээр 3 үе шатлалтай туршаад 90% тай батлагдсан тул өнөөдөр албан ёсоор дэлхий нийтэд мэдэгдлээ.

Компаниуд нэн яаралтай хэрэглээнд зориулан эхний ээлжийн вакциныг энэ сарын сүүлээр нийлүүлэхээр төлөвлөж байна. Энэхүү вакцин нь одоо гаргасан байгаа 2 вакцинаас ялгаатай нь маш богино хугацаанд маш өндөр үр дүн үзүүлсэн нь хүн төрөлхтөнд ирэх хавар гэхэд хуучин сайхан амьдралдаа эргэн орох итгэлийг авчирч байна.

Вакциныг яаж хэрэглэж ямар үр дүн үзүүлэв?

Туршилтын явц Америк, Герман, Бразил, Аргентин, Өмнөд Африк болон Турк улсын иргэдэд хийгдсэн бөгөөд гурван 7 хоногийн зайтайгаар хоёр удаагийн тунгаар гарын булчинд тарьжээ. Хоёр дахь тарилгын дараа яг 7 хоноод вакцины үйлчлэл нөлөөлж вирусын эсрэг 90 % хамгаалалт хийж. Германы талын профессор Ugur ийн хэлсэнээр энэхүү вакцины үр дүн бол гайхалтай сайн гарсан байна. Энэ 2 компани эхний ээлжинд 50 сая вакцин энэ оны төгсгөлд нийлүүлж 1.3 тэрбум ширхэг вакциныг 2021 оны төгсгөлөөр үйлдвэрлэж гаргах боломжтой гэлээ. Англи энэ вакцинаас 10 саяыг энэ оны сүүлээр 30 саяыг ирэх онд багтааж авах гэнэ. 

Хэн эхэлж вакцинд хамрагдах вэ?

Эхлээд эмнэлэгийн асрахын ажилтангууд, эмч сувилагчид, бие султай хөгшчүүлд эхэлж хийнэ. Гэхдээ Англи эхлээд эмнэлэгийн ажилчидаа тарьчаад дараа нь асрахын ажилчид биш хөгшчүүдээ эхэлж тарих бодолтой гэжээ. Дэлхийн олон сая хүниыг дархлаажуулахад вакцинаа ариутгалтай -80 хэмийн хүйтэн тусгай хөргүүрт хадгалах шаардлагатай юм байна. Тэгэхээр одоо вакцинаа үйлдвэрлэхэд асуудалгүй ч хадгалалт хүргэлтээ хийхэд ийм тусгай хөргүүр хэрэгтэй тул үйлдвэрлэгчид ханцуй шамлан ажилдаа өнөөдрөөс орж байна гэжээ.

Шинжлэх ухааны ололтыг дэлхийн бүх эрдэмтэд тэмдэглэж байна. Дашрамд хэлэхэд энэ 3 дахь туршилтанд Английн Оксфордийн эрдэмтэдийн хийсэн 2 вакцин бас орсон байгаа бөгөөд эцсийн хариугаа хүлээж байгаа юм байна.

Лхагвадоржийн Энхтуяа Ph.D

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.